نەيمارعا الاياقتىق جاسادى دەگەن ايىپ تاعىلدى
وعان $16 ميلليون سالىقتان جالتاردى دەگەن ايىپ تاعىلدى، دەپ جازادى بي- بي- سي.
سۋديانىڭ ايتۋىنشا نەيمار 2013 - جىلى ءوزىنىڭ جارنامالىق كەلىسىمدەر مەن بارسەلونا فۋتبول كلۋبىنان تۇسىرگەن پايداسىنىڭ تەك 8 پايىزىن جاريالاعان.
فۋتبولشىنىڭ قورعاۋشىلارى ازىرشە بۇعان قارسى پىكىر ايتۋدان باس تارتىپ وتىر.
بۇعان قوسا فۋتبولشىعا الاياقتىق جاسادى دەگەن ايىپ تاعىلىپ وتىر. جازدا يسپانيا سوتى وعان قارسى شاعىمدى قابىلداعان بولاتىن.
نەيماردى الۋ ءۇشىن بارسەلونا 2013 - جىلى 57 ميلليون ەۋرو تولەگەن ەدى. الايدا، سوتتىڭ پايىمىنشا، ويىنشى ءۇشىن تولەنگەن سوما بۇدان الدەقايدا كوپ بولعان.
نەيماردى باسقا كومانداعا اۋىستىرعاندا تۇسەتىن پايدانىڭ (ترانسفەرلىك قۇن) 40 پايىزىن الۋعا قۇقىعى بار برازيليالىق كومپانيا دا ولاردى كەم دەگەندە 1 ميلليون ەۋروعا الداپ كەتكەنىن ايتقان.
تەرگەۋشىلەر بولسا نەيمار ءۇشىن سول جولى 57 ميلليون ەمەس، 83,3 ميلليون ەۋرو تولەنگەن دەپ سانايدى.
