چەحيالىقتار اقمولا وبلىسىندا چەح ءتىلىن ۇيرەتۋ بولىمدەرىن اشقىسى كەلەدى - فوتو

كوكشەتاۋ. قازاقپارات - بۇگىن كوكشەتاۋعا چەحيا رەسپۋبليكاسىنىڭ وڭتۇستىك- موراۆسك ولكەسىنەن رەسمي دەلەگاتسيا كەلدى، دەپ حابارلادى وبلىس اكىمدىگىنىڭ باسپا ءسوز قىزمەتىنەن.

دەلەگاتسيا قۇرامىندا چەحيانىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ەليجكا جيگوۆا جانە وڭتۇستىك- موراۆسك ولكەسىنىڭ گەيتمانى (گۋبەرناتور) ميحايل گاشەك بار. شەتەلدىك مەيماندار اقمولا وبلىسىنىڭ اكىمى س. كۋلاگينمەن كەزدەستى. كەزدەسۋ بارىسىندا ءوڭىر باسشىسى چەحيا رەسپۋبليكاسى ەلىمىزدىڭ حالىقارالىق ارەناداعى ماڭىزدى ساياسي جانە ەكونوميكالىق سەرىكتەسى ەكەنىن اتاپ ءوتاپ ءوتتى.

«اقمولا وبلىسىنىڭ بارلىق سالاسى سەرىكتەستەرىمىز ءۇشىن اشىق، بۇل كەزدەسۋ ەكى جاقتى ىنتىماقتاستىقتى ءارى قاراي بەلسەندىرۋگە تىڭ سەرپىن بەرەدى دەگەن ويدامىن»، - دەدى وبلىس اكىمى.

وڭتۇستىك- موراۆسك ولكەسىنىڭ گەيتمانى ءوز سوزىندە اقمولا وڭىرىندە ج و و- لارى مەن كوللەدجدەرىندە چەح ءتىلىن ۇيرەتۋ بولىمدەرىن اشۋ تۋرالى ۇسىنىسىن ءبىلدىرىپ، اقمولا وبلىسىنىڭ اكىمى باستاعان دەلەگاتسيانى چەحيادا قابىلداۋعا ءازىر ەكەندىگىن ايتتى.

وسى كۇنى چەحيالىق دەلەگاتسيا مۇشەلەرى جەرگىلىكتى كاسىپكەرلەرمەن كەزدەسىپ، ەكىجاقتى ساۋدا- ەكونوميكالىق بايلانىستى نىعايتۋ جولدارىن تالقىلادى.

جالپى، اقمولا وبلىسى مەن چەحيا رەسپۋبليكاسىنىڭ 2015 -جىلدىڭ قاڭتار- شىلدە ايلارىنداعى سىرتقى ساۋدا اينالىمى 1081800 ا ق ش دوللارىن قۇراعان نەمەسە وبلىستىڭ جالپى سىرتقى ساۋدا اينالىمىنىڭ 0,2 پايىزىنا تەڭ بولعان.

اتاپ ايتقاندا، اقمولا وبلىسى قازاقستاننىڭ نەگىزگى اگرارلى- ونەركاسىپتىك ايماقتارىنىڭ ءبىرى بولىپ تابىلادى جانە ەلىمىزدىڭ 25 پايىز استىعىن وندىرەدى. قازاقستان جىل سايىن الىس جانە جاقىن 32 ەلگە 2 ميلليون توننا استىق ەكسپورتتايدى.

كەزدەسۋ سوڭىندا اقمولا وبلىسىنىڭ اكىمى چەحيا رەسپۋبليكاسىنان كەلگەن ارىپتەستەرىنە ريزاشىلىعىن ءبىلدىرىپ، ەستەلىككە كادەسىيلار سىيلادى.

ساپار بارىسىندا چەحيالىق دەلەگاتسيا ءداندى جانە مايلى داقىلداردى ساقتاۋ جانە وڭدەۋمەن اينالىساتىن «اقمولا بيداي» جانە «ەسىل اگرو» جاۋاپكەرشىلىگى شەكتەۋلى سەرىكتەستىكتەرىنىڭ جۇمىسىمەن دە تانىستى.

اۆتور: اسلان وسپانوۆ