شىعىس قازاقستاندا شەنەۋنىك جول اپاتىن جاساعان بالاسىن جالعان ءسوز ايتىپ، قورعاماق بولدى
تەرەكتى اۋىلدىق وكرۋگىنىڭ اكىمىنىڭ ورىنباسارى ەرجان سايكەنوۆتىڭ بالاسى جول- كولىك اپاتىن جاساعان.
«پوليتسيا قىزمەتكەرىنىڭ راپورتىندا «قىزىل تۋ» پاروم وتكەلىندە Suzuki اۆتوموبيلىنىڭ جۇرگىزۋشىسىنىڭ پاروم جۇمىسشىسىن قاعىپ، وعان بىلاپىت ءسوز ايتقانى جازىلعان. بۇدان كەيىن ول وقيعا ورنىنان كەتىپ قالعان»، - دەپ حابارلادى مەملەكەتتىك قىزمەت جانە سىبايلاس جەمقورلىققا قارسى ءىس- قيمىل اگەنتتىگىنىڭ ش ق و بويىنشا دەپارتامەنتىنىڭ وكىلدەرى. جۇرگىزۋشىنى ءتارتىپ ساقشىلارى توقتاتقىسى كەلگەن، الايدا ول پوليتسەيلەردىڭ تالابىن ورىندامادى.
كەيىن جاياۋ جۇرگىنشى زارداپ شەككەن وقيعاداعى كولىكتىڭ تەرەكتى اۋىلدىق وكرۋگىنىڭ اكىمىنىڭ ورىنباسارى ەرجان سايكەنوۆكە تيەسىلى ەكەندىگى انىقتالادى. ءبىراق سول كۇنى كولىكتى ونىڭ بالاسى جۇرگىزگەن.
«ايتا كەتەرلىگى، تۇسىنىكتەمەسىندە ە. سايكەنوۆ اۆتوموبيل تىزگىنىندە ءوزى بولعانىن جازعان، وسىلايشا ول جالعان جاۋاپ بەرىپ، ءىستى تەرگەۋگە كەدەرگى كەلتىردى. سونىمەن قاتار، ول پوليتسيا وكىلدەرىنە قاتىستى دورەكىلىك كورسەتتى»، - دەپ حابارلادى دەپارتامەنتتەگىلەر.
سايكەنوۆتىڭ ءىسى تارتىپتىك كەڭەستە قارالدى. ونىڭ قورىتىندىسى بويىنشا شەنەۋنىكتى قىزمەتىنەن بوساتۋ ۇسىنىلدى.
