ق ر پرەزيدەنتى ب ۇ ۇ باس اسسامبلەياسىنىڭ مەرەيتويلىق سەسسياسىنا قاتىسۋ ءۇشىن ا ق ش- قا بارادى

استانا. قازاقپارات - اقوردانىڭ باسپا ءسوز قىزمەتى مەملەكەت باسشىسى نۇرسۇلتان نازاربايەۆتىڭ قاتىسۋىمەن وتەتىن ءىس- شارالاردىڭ اڭداتپاسىن جاريالادى.

26-29 - قىركۇيەك كۇندەرى قازاقستان پرەزيدەنتى بىرىككەن ۇلتتار ۇيىمى باس اسسامبەلياسىنىڭ نيۋ- يوركتە وتەتىن مەرەيتويلىق 70- سەسسياسىنا وسى ۇيىمنىڭ باس حاتشىسى پان گي مۋننىڭ شاقىرۋىمەن قاتىسۋ ءۇشىن امەريكا قۇراما شتاتتارىنا بارادى.

مەملەكەت باسشىسى باس اسسامبلەيانىڭ جالپى پىكىرسايىسى بارىسىندا بايانداما جاسايدى، ب ۇ ۇ مىڭجىلدىق دامۋ ماقساتتارىن جۇزەگە اسىرۋ جونىندەگى سامميتكە جانە 2030 - جىلعا دەيىنگى ورنىقتى دامۋ ماقساتتارىن قاراۋعا، سونداي- اق زورلىق- زومبىلىق ەكسترەميزمىمەن كۇرەس جونىندەگى سامميتكە قاتىسادى دەپ كۇتىلۋدە.

 سونداي- اق باس اسسامبلەيا اياسىندا ءبىرقاتار مەملەكەتتەر مەن ۇكىمەتتەر باسشىلارىمەن كەلىسسوزدەر جۇرگىزۋ جوسپارلانۋدا. سونىمەن بىرگە، JP Morgan, Guggenheim, Chevron, Microsoft سياقتى جانە باسقا دا ءىرى امەريكاندىق كومپانيالار باسشىلارىمەن كەزدەسۋ كوزدەلگەن.