ادامنىڭ ەڭ باقىتتى جانە باقىتسىز كۇي كەشەتىن جاس شاماسى انىقتالدى

استانا. قازاقپارات - اۋسترالياداعى وتباسىن زەرتتەۋ ينستيتۋتىنىڭ عالىمدارى ادام ءومىرىنىڭ ەڭ باقىتسىز جانە باقىتتى كەزەڭدەرىن انىقتادى.

ولاردىڭ ايتۋىنشا، 15 پەن 20 جاس ارالىعىندا ادامنىڭ ومىرگە دەگەن قىزىعۋشىلىعى كۇرت تومەندەيدى ەكەن. ارتىنشا 20-35 جاس ارالىعىندا ءوزىن باقىتسىز سەزىنەدى. ال 35 پەن 50 جاس ارالىعىندا اينالاسىنداعى ادامداردان، ومىردەن كوڭىلى قالادى. وسىنىڭ بارلىعىن وتكەرگەن سوڭ عانا باقىتتى بولادى.

ماماندار ادامداردى نە نارسە باقىتتى ەتەتىندىگىن بىلۋگە تىرىسقان. ولار ادامداردىڭ ومىرىندە بولاتىن اتا-اناسىنىڭ ۇيىنەن كەتۋ، سۇيىكتىسىمەن بىرگە تۇرۋ، سۇيىكتىسىنەن ايىرىلۋ، زەينەتاقىعا شىعۋ سىندى ەڭ ماڭىزدى وقيعالاردى دا زەرتتەگەن.

ادامدار سۇيىكتىسىمەن بىرگە تۇرىپ، بالالى بولعان كەزدە وزدەرىن باقىتتى سەزىنگەن. ال ومىرلىك سەرىگى قايتىس بولعان كەزدە قايتادان باقىتسىز بولعان. مۇنىمەن قاتار، ايەل ادامداردىڭ زەينەتاقىعا شىققان سوڭ كوڭىلدەرى جاي تاپسا، ەر ادامداردا ەش وزگەرىس بايقالماعان.

massaget.kz