ەلباسى رۋاندا پرەزيدەنتىمەن ەكىجاقتى ىنتىماقتاستىقتى دامىتۋ ماسەلەسىن تالقىلادى
بۇل تۋرالى اقوردانىڭ باسپا ءسوز قىزمەتىنەن حابارلادى.
كەزدەسۋ بارىسىندا ەكىجاقتى ساۋدا- ەكونوميكالىق ىنتىماقتاستىقتى دامىتۋ پەرسپەكتيۆالارى مەن كۇن تارتىبىندەگى مەيلىنشە وزەكتى حالىقارالىق ماسەلەلەر تالقىلاندى.
قازاقستان پرەزيدەنتى ەكى ەلدىڭ ءبىر- بىرىنەن الشاق جاتقانىنا قاراماستان، ءوزارا ىقپالداستىقتى جولعا قويۋ ماڭىزدى ەكەنىن ايتتى.
«ءبىز، سالىستىرمالى تۇردە الساق، افريكا مەملەكەتتەرىمەن ەندى عانا قارىم- قاتىناس ورناتىپ جاتقان جاس ەل بولىپ سانالامىز» ، - دەدى نۇرسۇلتان نازاربايەۆ.
مەملەكەت باسشىسى پ. كاگامەنىڭ ءوز ەلىندە بەيبىتشىلىك ورناتۋ ءۇشىن ەلەۋلى كۇش- جىگەر جۇمساعانىنا دا نازار اۋداردى.
«رۋاندا حالقى سۇمدىق گەنوتسيدتى باستان وتكەردى، ءسىز وعان توقتاۋ سالا الدىڭىز جانە بۇگىندە رەسپۋبليكانى دامىتۋ ءۇشىن كوپ نارسە جاساپ جاتىرسىز» ، - دەدى قازاقستان پرەزيدەنتى.
رۋاندا پرەزيدەنتى ءوز كەزەگىندە نۇرسۇلتان نازاربايەۆقا كەزدەسۋ ءۇشىن العىس ايتىپ، ەكىجاقتى ىنتىماقتاستىقتى دامىتۋعا نيەتتى ەكەنىن ءبىلدىردى.
