ق ر مەملەكەتتىك حاتشىسى: مەملەكەتتىك باعدارلامالارعا بولىنەتىن بيۋدجەت قاراجاتىنا قاتاڭ باقىلاۋ قاجەت

استانا. قازاقپارات - بۇگىن اقوردادا ق ر مەملەكەتتىك حاتشىسى گۇلشارا ءابدىقالىقوۆانىڭ توراعالىعىمەن ق ر پرەزيدەنتى جانىنداعى سىبايلاس جەمقورلىقا قارسى كۇرەس ماسەلەلەرى جونىندەگى كوميسسيانىڭ وتىرىسى ءوتتى.

 الەمنىڭ 30 دامىعان ەلىنىڭ قاتارىنا ەنۋگە باعىتتالعان "100 ناقتى قادام" ۇلت جوسپارىندا ەلباسى قويعان مىندەتتەر مەملەكەتتىك باعدارلامالاردى ىسكە اسىرۋعا بولىنەتىن بيۋدجەت قاراجاتىن شىعىنداۋعا قاتاڭ باقىلاۋدى قامتاماسىز ەتۋدى تالاپ ەتەتىندىگىن گۇلشارا ءابدىقالىقوۆا وتىرىستى اشۋ بارىسىندا اتاپ ءوتتى.

 «ءبىز كوميسسيانىڭ كەزەكتى وتىرىسىنا جينالىپ وتىرمىز. وزدەرىڭىزگە بەلگىلى، قازىر ەلباسى نۇرسۇلتان ءابىش ۇلى نازاربايەۆ ۇسىنعان 5 ينستيتۋتتىق رەفورمانىڭ اياسىنداعى «100 ناقتى قادام» ۇلت جوسپارىن ناقتى ىسكە اسىرۋ بويىنشا ەلەۋلى جۇمىستار جۇرگىزىلۋدە. بۇل شارالار دەربەس كاسىبي مەملەكەتتىك اپپاراتتى قالىپتاستىرۋدى، زاڭ ۇستەمدىگىن قامتاماسىز ەتۋدى، ترانسپورەنتتى جانە ەسەپ بەرەتىن ۇكىمەتتى قۇرۋدى كوزدەيدى» ، - دەدى جيىندى اشقان مەملەكەتتىك حاتشى.

  ونىڭ اتاپ وتۋىنشە، بارلىق وسى رەفورمالار سونىمەن بىرگە سىبايلاس جەمقورلىققا قارسى جۇيەسىن جەتىلدىرۋگە باعىتتالعان.

 «وسىعان وراي بۇگىن ءبىز قاتىناستارى سالاسىندا، سونداي- اق «اق بۇلاق» جانە «بيزنەستىڭ جول كارتاسى-2020» باعدارلامالارىن ىسكە اسىرۋعا بولىنگەن بيۋجەت قاراجاتىن يگەرۋ قالاي بولىپ جاتقانىن قارايمىز» ، - دەپ اتاپ ءوتتى گ. ءابدىقالىقوۆا.

 وتىرىستا ۇلتتىق ەكونوميكا ءمينيسترى ە. دوسايەۆتىڭ، باس پروكۋرور ا. داۋىلبايەۆتىڭ، مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى ق. قوجامجاروۆتىڭ باياندامالارى تىڭدالدى. قورىتىندىسىندا كوميسيا مەملەكەتتىك ورگاندارعا ءبىرقاتار تاپسىرمالار مەن ۇسىنىمدار بەردى.