08:17, 21 - قىركۇيەك 2015 | GMT +5
جازۋشى دجەكي كوللينز راكتان كوز جۇمدى
استانا. قازاقپارات - گولليۆۋدتاعى كوپتەگەن ماحاببات روماندارىنىڭ اۆتورى دجەكي كوللينز 78 جاسىندا لوس- اندجەلەس قالاسىندا دۇنيە سالدى،
دەپ حابارلادى www.24.kz.
ول ومىراۋ راگىنان كوز جۇمعان، دەپ حابارلايدى ت ا س س. كوللينزتىڭ «بۇل ءومىر ۇيلەنگەن ەركەكتەرگە تولى» اتتى ءبىرىنشى رومانى 1968 - جىلى باسىلىپ شىققان. وعان اۆستراليا مەن وڭتۇستىك افريكا رەسپۋبليكاسىندا تىيىم سالىنعان. ءدال وسى جانجال كىتاپتىڭ ا ق ش پەن ۇلى بريتانيادا كوپتەپ ساتىلۋىنا سەبەپ بولعان. دجەكي كوللينز بارلىعى وتىز شاقتى كىتاپ جازعان. ولاردىڭ ىشىندە ەڭ تانىمالى - «گولليۆۋدتىق ايەلدەر». 2013 - جىلى ەليزاۆەتا II ونى بريتان يمپەرياسىنىڭ وردەنىمەن ماراپاتتادى.
فوتو: trueice12.weebly.com
