17:50, 20 - قىركۇيەك 2015 | GMT +5
مانەرلەپ سىرعاناۋ: ە. تۇرسىنبايەۆا ا ق ش- تا العاش رەت ەرەسەكتەر اراسىندا سىنعا ءتۇسىپ، «كۇمىس» جۇلدە يەلەندى - كەسكىن
استانا. قازاقپارات - 15 جاستاعى قازاقستاندىق مانەرلەپ سىرعاناۋشى ەليزابەت تۇرسىنبايەۆا سولت-لەيك-سيتيدە وتكەن ءىرى حالىقارالىق تۋرنيردە كۇمىس مەدال ۇتتى، دەپ حابارلادى Vesti.kz.
سپورتشى ا ق ش- تاعى International Classic تۋرنيرىندە ەرەسەكتەر اراسىنداعى رەسمي جارىسقا قاتىستى. قىسقا باعدارلامادان كەيىن تۇرسىنبايەۆا ءتورتىنشى ورىندا بولدى، ال ەركىن باعدارلامادا قازاقستاندىق مانەرلەپ سىرعاناۋشى تاماشا ونەر كورسەتىپ، ەكىنشى ورىندى يەلەندى.
جاپوندىق ساتوكو مياحارا تۋرنير چەمپيونى (183,64 بال) اتاندى. مياحارا - 2015-جىلعى الەم چەمپيوناتىنىڭ كۇمىس جۇلدەگەرى، گران- پري جانە «ءتورت قۇرىلىق تۋرنيرى» كەزەڭدەرىنىڭ بىرنەشە مارتە جۇلدەگەرى.
ەليزابەت تۋرسىنبايەۆا جاپوندىقتان التى بال (177, 91) از الدى، ءۇشىنشى ورىندى امەريكالىق اندجەلا ۆانگ (166,80) يەلەندى.
