قازاقستان حالقى اسسامبلەياسى دەلەگاتسياسى بەيجىڭدە قازاقستاندىق ستۋدەنتتەرمەن كەزدەستى - فوتو
ق ح ا دەلەگاتتارى ستۋدەنتتەرگە قوعامدىق كەلىسىم مەن ۇلتتىق بىرلىكتىڭ قازاقستاندىق ۇلگىسى جايلى ايتىپ بەردى جانە ەل اتىنا كىر كەلتىرمەي، وزدەرىن لايىقتى ۇستاپ جۇرۋگە، جاقسى ءبىلىم الىپ، بولاشاقتا ەلگە پايدا تيگىزۋگە شاقىردى.
كەزدەسۋ بارىسىندا ۇش تىلدىلىكتى دامىتۋ تۇجىرىمداماسى، 5 ينستيتۋتسيونالدىق رەفورمانىڭ ماڭىزى، وتانسۇيگىشتىك ۇعىمى جانە ونىڭ قالاي كورىنىس تاباتىنى جايلى اڭگىمە ءوربىدى. ستۋدەنتتەر ق ح ا قىزمەتى تۋرالى ءبىرقاتار سۇراقتار قويدى. كەزدەسۋدەن سوڭ دەلەگاتتار مەن قازاقستاندىق ستۋدەنتتەر اڭگىمەنى بەيرەسمي جاعدايدا ءوربىتتى، KSAC- تىڭ يدەيالارى مەن باستامالارىن (قازاقستاندىق ستۋدەنتتەر ورتالىعىن اشۋ جانە ت. ب) تالقىلادى.
ەسكە سالا كەتەيىك، قازاقستاندىق دەلەگاتسيا قۇرامىنا پارلامەنت ءماجىلىسىنىڭ دەپۋتاتتارى زۋحرا ساياپوۆا، نادەجدا ناستەروۆا، «دۇڭعان ەتنومادەني ورتالىقتار قاۋىمداستىعى» ا ا باسقارماسىنىڭ مۇشەسى شاكىر حاحازوۆ، «قازاقستان رەسپۋبليكالىق ۇيعىر مادەني ورتالىعى» ا ا ءتوراعاسى شايماردان نۇرۇموۆ، ق ح ا الماتى وبلىسى بويىنشا حاتشىلىق مەڭگەرۋشىسى عابيت تۇرسىنباي، ق ر پ ءا ق ح ا حاتشىلىعىنىڭ ينسپەكتورى ەدىل وسپان، ق ر س ءى م سىرتقى ساياسي تالداۋ جانە بولجاۋ دەپارتامەنتىنىڭ كەڭەسشىسى ايدا ەرمەكقاليەۆا كىردى.