10:15, 20 - قىركۇيەك 2015 | GMT +5
ءورت سوندىرۋشىلەرگە ماڭگىلىك الاۋدى وشىرۋگە تۋرا كەلدى
استانا. قازاقپارات - كەلەڭسىز وقيعا ۆولوگدا وبلىسىندا ورىن الدى. FlashNord پورتالىنىڭ حابارلاۋىنشا، چاگودا كەنتىندەگى اسكەري مەموريالعا قويىلعان گۇل دەستەلەرى وتقا ورانعان.
جارىلىس بولۋدان ساقتانعان جەرگىلىكتى اپاتتان قۇتقارۋ قىزمەتى ماڭگىلىك الاۋعا گاز بەرۋدى شۇعىل توقتاتتى. ءورت سالدارىنان ەسكەرتكىشتىڭ قاس بەتى قاتتى زاقىمدانعان. بۇعان كىنالىلەر ەكى جەتى جاسار مەكتەپ وقۋشىسى بولىپ شىقتى. ولار قىزىق كورىپ، مەموريالدىڭ باسپالداقتارىنا قويىلعان جاساندى گۇلدەرگە وت قويعان. كىشكەنتاي بۇزىقتار كامەلەتتىك جاسقا تولماعاندار ءىسى جونىندەگى ينسپەكتسيانىڭ ەسەبىنە قويىلدى. ال ولاردىڭ ءبىرىنىڭ اتا-اناسى ءوز ەركىمەن كەلتىرىلگەن شىعىننىڭ ورنىن وتەدى.
