قازاقستانداعى جەتەكشى جوعارى وقۋ ورىندارىنىڭ وقۋ اقىسى قانداي؟
بۇگىندە رەسپۋبليكاداعى جەتەكشى جوعارى وقۋ ورىندارىنىڭ وقۋ اقىسى قانداي ەكەنىن 31 ارنا سارالاپ كوردى.
بيىل ەلىمىزدە 124 مىڭنان اسا تۇلەك مەكتەپ ءبىتىرىپ، ولاردىڭ 32 مىڭى عانا مەملەكەتتىك گرانتقا يە بولدى. ال ءبىلىم گرانتىنا يە بولا الماعان ستۋدەنتتىڭ ءبىرى ۇلدانا جيەنقۇل ءال- فارابي اتىنداعى قازاق ۇلتتىق ۋنيۆەرسيتەتىنىڭ 2 -كۋرس ستۋدەنتى.
اقتاۋ قالاسىنان ءبىلىم قۋىپ كەلگەن بويجەتكەن ورىس ءتىلىنسىز 93 بالل جيناسا دا، گرانتقا ىلىگە الماعان. ەندى جىلىنا جارتى ميلليوننان اساتىن وقۋ اقىسىن تولەۋ اتا- انامنىڭ موينىنا اۋىرتپالىق بولىپ وتىر دەيدى.
«مەن جىلىنا 620 مىڭ تەڭگە وقۋ اقىسىن تولەيمىن. ەرتەڭ مەنىڭ ارتىمنان ءوسىپ كەلە جاتقان مەنىڭ سىڭلىلەرىم، مەنىڭ ىنىلەرىم ءدال وسى قارقىنمەن وقۋ اقىسى كوتەرىلە بەرەتىن بولسا، ولار ميلليون تەڭگەگە ءبىلىم الادى ما؟»، - دەيدى ستۋدەنت ۇلدانا جيەنقۇل.
الايدا قازىردىڭ وزىندە ەلىمىزدە ميلليوندار تولەپ ءبىلىم الىپ جاتقاندار از ەمەس. مىسالى، «ك ي م ە پ» ۋنيۆەرسيتەتىندە 1 كرەديت باعاسى 50 مىڭ تەڭگە. سوندا جىلىنا شامامەن ءار ستۋدەنت 1 ميلليون 700 مىڭ تەڭگەگە ءبىلىم الادى. ال ۋنيۆەرسيتەت باسشىلىعى «ك ي م ە پ»-تىڭ الەمدىك دەڭگەيدەگى ءبىلىم بەرەتىن قازاقستانداعى ەڭ تاڭداۋلى جوعارى وقۋ ورنى ەكەنىن العا تارتادى.
«اتا- انالار بالالارىنىڭ الەمدىك ستاندارتتا ءبىلىم العانىن قالايدى. ال امەريكا مەن ەۋروپادا وقۋ اقىسى تىپتەن قىمبات. سوندىقتان ءبىز ستۋدەنتتەرگە جوعارى دارەجەدەگى ساپالى ءارى قولجەتىمدى باعانى ۇسىنىپ وتىرمىز»، - دەيدى «ك ي م ە پ»- تىڭ اكادەميالىق ماسەلەلەر بويىنشا ۆيتسە-پرەزيدەنتى دەۆيد لەنديس.
بۇگىندە ەلىمىزدەگى ەڭ قىمبات جوعارى وقۋ ورىندارىنىڭ قاتارىن قازاق-بريتان تەحنيكالىق ۋنيۆەرسيتەتى (ق ب ت ۋ) باستاپ تۇر. بۇل ءبىلىم ورداسىنىڭ وقۋ اقىسى 1 ميلليون 950 مىڭ تەڭگەگە دەيىن جەتەدى. سۇلەيمەن دەميرەل ۋنيۆەرسيتەتى (SDU) ستۋدەنتتەرگە 550 مىڭنان - 1 ميلليون 150 مىڭعا دەيىنگى وقۋ اقىسىن ۇسىنادى. سونداي- اق، (گرافيكا....) ۇلتتىق ۋنيۆەرسيتەتتەردەگى باعا دا ءارتۇرلى. مىسالى، اسفەندياروۆ اتىنداعى مەديتسينالىق ۋنيۆەرسيتەتتە (قاز ۇ م ۋ) - 770 مىڭ تەڭگە بولسا، ەۋرازيا ۇلتتىق ۋنيۆەرسيتەتىندەگى (ە ۇ ۋ) باعا 700 مىڭ شاماسىندا.
بۇگىندە ەلىمىزدەگى ەڭ قىمبات جوعارى وقۋ ورىندارىنىڭ قاتارىن قازاق-بريتان تەحنيكالىق ۋنيۆەرسيتەتى (ق ب ت ۋ) باستاپ تۇر. بۇل ءبىلىم ورداسىنىڭ وقۋ اقىسى 1 ميلليون 950 مىڭ تەڭگەگە دەيىن جەتەدى
ال ءال- فارابي اتىنداعى ۇلتتىق ۋنيۆەرسيتەتتە (قاز ۇ ۋ) 620 - 700 مىڭ، جۇرگەنوۆ اتىنداعى ونەر اكادەمياسىندا (قاز ۇ ءو ا) - 493 مىڭ، اباي اتىنداعى ۋنيۆەرسيتەتتە (قاز ۇ پ ۋ) 424 مىڭنان - 567 مىڭعا دەيىن بولسا، اگرارلىق ۋنيۆەرسيتەتتەگى (قاز ۇ ا ۋ) باعا 385 مىڭنان باستالادى.
ايماقتارداعى باعا دا از ەمەس. شىعىس قازاقستان مەن اقتوبە مەملەكەتتىك ۋنيۆەرسيتەتىندە 343 مىڭنان 443 مىڭ تەڭگەگە دەيىن. قاراعاندى مەملەكەتتىك ۋنيۆەرسيتەتىندە 378 مىڭنان - 456 مىڭعا جەتىپ تۇر. ال تاراز مەملەكەتتىك ۋنيۆەرسيتەتى (تار م ۋ) رەسپۋبليكداعى ەڭ تومەن باعانى ۇسىنادى. وقۋ اقىسى -275 مىڭ.
ال وقۋ اقىسى ەڭ قىمبات ءالى دە بولسا ەكونوميكا جانە زاڭگەرلىك سالاداعى ماماندىقتار بولىپ وتىر. سوندىقتان، جاقىن ارادا ەشتەڭە وزگەرە قويمايتىن سياقتى.
دەرەككوز: 31 كانال
