حالىقتىق ديپلوماتيا: قازاقستان حالقى اسسامبلەياسىنىڭ دەلەگاتسياسى بەيجىڭدە - فوتورەپورتاج
قازاقستاندىقتار قىتاي ورتالىق ۇلتتار ۋنيۆەرسيتەتىنە، شەت ەلدەرمەن قىتاي حالىقتىق دوستىق قوعامىنا، سونداي- اق ق ح ر مەملەكەتتىك ۇلت ىستەرى كوميتەتىنە باردى.
كورسەتىلگەن مەكەمەلەردىڭ باسشىلىعىمەن كەلىسسوز بارىسىندا ق ح ا دەلەگاتتارى ق ر بىرلىگى مەن ۇلتارالىق كەلىسىمىنىڭ ۇلگىسى، قۇرىلىمى، ماقساتى مىندەتى مەن اسسامبلەيا قىزمەتى جايلى ءسوز ەتتى، سونداي- اق قىتايلىق دوستارعا ەستەلىك سۋۆەنيرلەر، ق ح ا جىلىنا ارنالىپ شىعارىلعان كىتاپتار تابىس ەتتى.
تاراپتار ەكى ەل حالىقتارى اراسىنداعى دوستاستىق قاتىناستاردى ودان ءارى نىعايتۋعا، سونداي- اق تولەرانتتىلىق، ۇلتارالىق جانە كونفەسسياارالىق كەلىسىمدى ساقتاۋ بويىنشا تاجىريبە الماسۋعا مۇددەلىلىك تانىتتى.
قازاقستاندىق دەلەگاتسيا قۇرامىنا پارلامەنت ءماجىلىسىنىڭ دەپۋتاتتارى زۋحرا ساياپوۆا، نادەجدا ناستەروۆا، «دۇڭعان ەتنومادەني ورتالىقتار قاۋىمداستىعى» ا ا باسقارماسىنىڭ مۇشەسى شاكىر حاحازوۆ، «قازاقستان رەسپۋبليكالىق ۇيعىر مادەني ورتالىعى» ا ا ءتوراعاسى شايماردان نۇرۇموۆ، ق ح ا الماتى وبلىسى بويىنشا حاتشىلىق مەڭگەرۋشىسى عابيت تۇرسىنباي، ق ر پ ءا ق ح ا حاتشىلىعىنىڭ ينسپەكتورى ەدىل وسپان، ق ر س ءى م سىرتقى ساياسي تالداۋ جانە بولجاۋ دەپارتامەنتىنىڭ كەڭەسشىسى ايدا ەرمەكقالييەۆا كىردى.
ق ح ا دەلەگاتتارىن ق ح ر- داعى ق ر توتەنشە جانە وكىلەتتى ەلشىسى شاحرات نۇرىشيەۆ ەرتىپ ءجۇردى.
