08:28, 18 - قىركۇيەك 2015 | GMT +5
اڭشى ءيتى يەسىنىڭ ولىمىنە سەبەپكەر بولدى
استانا. قازاقپارات - پەرم ولكەسىندە جازاتايىم وقيعانىڭ سالدارىنان اڭشى قازا تاپتى، دەپ حابارلايدى LifeNews.
اڭشىلىققا شىققان جەرگىلىكتى تۇرعىنداردىڭ ءبىر توبى دەمالۋ ءۇشىن توقتاعان. ەر ادامداردىڭ ءبىرى ءوزىنىڭ مىلتىعىن وقتاۋلى كۇيىندە اعاش ءتۇبىرىنىڭ قاسىندا قالدىرىپ كەتكەن. قاسىندا ويناپ جۇرگەن ءيتى كەزدەيسوق شاپپالى مەحانيزمگە ءتيىپ كەتكەن. اتىلعان مىلتىق وعى ءيت يەسىنىڭ موينىنا ءتيىپ، ول وقيعا ورنىندا اجال قۇشتى.
اڭشىنىڭ ءولىمى فاكتىسىمەن قىلمىستىق ءىس قوزعالدى، تەكسەرۋ جۇمىستارى جۇرگىزىلىپ جاتىر. پوليتسەيلەر وقيعانىڭ بولۋى مۇمكىن بارلىق نۇسقالارىن تەكسەرۋدە - ولار شاپپالى مەحانيزم ءيت ارەكەتىنەن ىسكە قوسىلعانىنا تولىق سەنبەي وتىر. بۇعان اڭشىلاردىڭ كىنانى يتكە جابا سالعان جازاتايىم وقيعا بولۋى مۇمكىندىگى دە تەكسەرىلۋدە.
