مەملەكەت باسشىسى: «نۇرلى جول» باعدارلاماسى «جىبەك جولى» ەكونوميكالىق بەلدەۋىن قۇرۋ باستاماسىمەن ساباقتاسادى

استانا. قازاقپارات - اقتوبە، باتىس قازاقستان، اتىراۋ جانە ماڭعىستاۋ وبلىستارىنىڭ اكىمدەرىمەن وتكەن كەڭەس بارىسىندا نۇرسۇلتان نازاربايەۆ ەلدى يندۋستريالاندىرۋدىڭ جانە «نۇرلى جول» جوباسىن جۇزەگە اسىرۋدىڭ جايىنا توقتالدى.

بۇل تۋرالى اقوردانىڭ باسپا ءسوز قىزمەتى حابارلادى.

«ق ح ر- عا ساپار بارىسىندا ءبىز قىتاي تاراپىمەن سوماسى 23 ميلليارد دوللار بولاتىن كەلىسىمشارت جاساستىق، ونداعان نىساندى ىسكە قوسۋ جوسپارلانىپ وتىر. بىرلەسكەن كاسىپورىندار ءارتۇرلى شارتتار نەگىزىندە قۇرىلاتىن بولادى»، - دەدى نۇرسۇلتان نازاربايەۆ.

سونىمەن قاتار، مەملەكەت باسشىسى «نۇرلى جول» باعدارلاماسى قازاقستان ءۇشىن ءتيىمدى ترانسقۇرلىقتىق لوگيستيكالىق جوبا بولىپ سانالاتىن «جىبەك جولى» ەكونوميكالىق بەلدەۋىن قۇرۋ باستاماسىمەن ساباقتاساتىنىن ايتتى.

«بۇل باعىتتا قازىردىڭ وزىندە از جۇمىس ىستەلگەن جوق. بۇگىندە قىتايداعى ليانيۋنگان پورتىنداعى ءبىزدىڭ تەرمينالمەن ا ت م (ازيا - تىنىق مۇحيت) ەلدەرىنەن قازاقستان ارقىلى ەۋروپاعا 250 مىڭ كونتەينەر جىبەرىلىپ جاتىر. 2020 -جىلعا قاراي ول ەكى ەسەلەنەدى. بۇل پويىزداردىڭ ءجۇرىپ وتەتىن جولىندا بيزنەس- قۇرىلىمدار پايدا بولادى. سونىمەن قاتار باتىس ەۋروپا - باتىس قىتاي جولىنىڭ قۇرىلىسى اياقتالۋعا تاياپ قالدى. بۇل جوبا دا زور مۇمكىندىكتەرگە يە. «نۇرلى جول» باعدارلاماسى اياسىندا باتىس وڭىردە سوماسى 345 ميلليارد تەڭگە بولاتىن جوبالار جۇزەگە اسىرىلادى. ءبىرىنشى رەت ءبىزدىڭ ەلدە كەمەلەر مەن پارومدار قۇراستىراتىن كومبينات سالىنۋدا. رەسەيگە شىعاتىن اقتوبە - اتىراۋ، اتىراۋ - استراحان، ورال - كامەنكا اۆتوموبيل جولدارى سالىنىپ جاتىر. بۇل جوبالاردىڭ بارلىعى ەكونوميكامىزعا سەرپىن بەرىپ، جاڭا جۇمىس ورىندارىن اشۋعا سەپتىگىن تيگىزەتىن بولادى»، - دەدى قازاقستان پرەزيدەنتى.

نۇرسۇلتان نازاربايەۆ جۇمىسپەن قامتۋ، اسىرەسە شاعىن جانە ورتا بيزنەس سالاسىندا جۇمىسپەن قامتۋ ماسەلەلەرىنە نازار اۋداردى.

«بۇل - الەمنىڭ بارلىق ەلدەرى ءۇشىن، قازاقستان ءۇشىن دە ەلەۋلى مىندەت. 20-50 ادام ەڭبەك ەتەتىن كاسىپورىنداردىڭ كوپ بولعانى ماڭىزدى. ماسەلەن، گەرمانيا داعدارىستان قيىندىقسىز ءوتتى، ويتكەنى بۇل ەلدە شاعىن جانە ورتا بيزنەس كاسىپورىندارى كوپ، ولار ەكونوميكانىڭ 90 پايىزىن قامتاماسىز ەتەدى. ءىرى ونەركاسىپتىك كاسىپورىندارمەن سالىستىرعاندا ولار الدەقايدا يكەمدى بولىپ كەلەدى. ماسەلەن، ەگەر ونىمدەرىنە دەگەن سۇرانىس ازايسا، سول ساتتە ولار باسقا سالاعا اۋىسادى»، - دەدى مەملەكەت باسشىسى.