19:13, 16 - قىركۇيەك 2015 | GMT +5
قاراعاندىدا كۇدىكتى شاباداننىڭ كەسىرىنەن قالا ورتالىعىندا قوزعالىس توقتاتىلدى
قاراعاندى. قازاقپارات - قاراعاندىدا كۇدىكتى شاباداننىڭ كەسىرىنەن قالا ورتالىعىندا قوزعالىس توقتاتىلدى، دەپ حابارلادى ايماقتىڭ ءى ءى د باسپا ءسوز قىزمەتىنەن.
«16 -قىركۇيەك كۇنى كۇندىزگى ۋاقىتتا قاراعاندى قالالىق جەدەل باسقارماسىنا كەنشىلەر مادەنيەتى سارايىنىڭ جەراستى وتپە جولىندا يەسىز تۇرعان شابادان انىقتالعانى تۋرالى حابارلاما كەلىپ تۇسكەن. وقيعا ورنىنا بارلىق جەدەل دەن قويۋ قىزمەتتەرى شىقتى، جول جابىلىپ، جەراستى وتپە جولىنىڭ قاسىنان كوشىرۋ جۇمىستارى ءجۇردى»، - دەلىنگەن حابارلامادا.
«ارلان» ارنايى تاعايىنداۋ بولىمشەسىنىڭ ساپەرلەرى تابىلعان زاتتى تەكسەرىپ شىقتى. ونىڭ ىشىنەن جارىلعىش زات تابىلعان جوق. شاباداننىڭ ىشىندە كىتاپتار بولعان.
وسى ارادا، ورتالىق داڭعىلداعى جول قوزعالىسى شامامەن 40 مينۋت بويى جابىق بولعان.
