ىستىق قۇم - بۋىن اۋرۋىنا تاپتىرماس ەم

استانا. قازاقپارات-  ليۆيا شەكاراسىنا جاقىن ورنالاسقان جازيرالى سيۆا ولكەسىنىڭ تۇرعىندارى ىستىق قۇم بۋىن اۋرۋىنا تاپتىرماس ەم دەيدى.

 ءتۇرلى بۋىن اۋرۋىمەن اۋىراتىن مىسىرلىقتار ءۇشىن كايردىڭ باتىس بولىگىندە ورنالاسقان سيۆا ولكەسى ەمدىك ورىنعا اينالعان.

 قۇممەن ەم جاساۋ جەرگىلىكتى تۇرعىندار ءۇشىن تابىس كوزى بولىپ وتىر. مۇندا كەلگەن ەمدەلۋشىلەر 15 مينۋت بويى ىستىق قۇمعا كومىلىپ، ودان شىققان سوڭ قىمتالىپ جابىلعان شاتىر استىنا كىرەدى. ايتۋلارىنشا، بۇل تابيعي ساۋنا ىسپەتتى. كەيىن ولارعا شىعىس ەلىندە كەڭىنەن قولدانىلاتىن حەلبا اتتى ەمدىك شاي بەرىلەدى.

 - الدىمەن ەم الۋشىنىڭ دەنە پىشىمىنە ساي ەتىپ، قۇمدى قازىپ، وعان ادامدى جاتقىزامىز. تەك باسىن اشىق قالدىرىپ، دەنەسىنىڭ قالعان بولىگىن قۇممەن كومەمىز. ىستىق قۇم دەنەدەگى بارلىق كلەتكالاردى اشادى. قىزۋى كوتەرىلىپ، ادام تەرلەيدى. تەرمەن بىرگە تۇز جانە توكسيندەرمەن قوسا ماي دا شىعىپ كەتەدى، - دەيدى ەمشى حەليال يبراحيم.

ەم الۋشىلاردىڭ ءبىرى ءال سايەد حاساننىڭ ايتۋىنشا، ەم ىزدەپ بارماعان جەرى، باسپاعان تاۋى قالماعان. ءتۇرلى ەمدىك دارىلەردى قابىلداعانىمەن، اۋرۋىنىڭ داۋاسىن وسى جەردەن تاپقان.  بۇل ولكەدە ادامداردى ەمدەۋ وسىدان 150 جىل بۇرىن جۇرگىزىلە باستاعان. قازىردە تەك بۋىن عانا ەمەس، باۋىر دەرتى، سول سياقتى باسقا دا اۋرۋ تۇرلەرىن ەمدەۋگە بولادى. مۇنداعى ەمشىلىك كاسىپ ۇرپاقتان- ۇرپاققا جالعاسىپ كەلەدى، دەپ حابارلايدى 24.kz.