استاناداعى بارلىق مەكەمەلەردە جۇمىس ۋاقىتى وزگەرەتىن بولادى

استانا. قازاقپارات - جۇمىس ۋاقىتىنىڭ باستالۋى استاناداعى بارلىق مەكەمەلەر مەن كاسىپورىنداردا دا وزگەرەتىن بولادى.

بۇل تۋرالى بۇگىن ەلوردا اكىمدىگىندە "استانا LRT" كومپانياسىنىڭ باسشىسى تالعات اردان ءمالىم ەتتى.

ونىڭ ايتۋىنشا، بارلىق مەملەكەتتىك مەكەمەلەر مەن ءتۇرلى ۇيىمداردىڭ جۇمىس ۋاقىتى 9:00 دە باستالادى. وعان 200 مىڭنان استام وقۋشىلار مەن ستۋدەنتتەردى تاعى قوسىڭىز.

«جولداعى كەپتەلىستى جەڭىلدەتۋدىڭ ءتۇرلى شارالارىن قولدانعانمەن، كوشەلەردىڭ سىيىمدىلىعى شەكسىز ەمەس. ءنوپىر كەلگەندە كەپتەلىس بولۋى زاڭدى. ءبىراق ەگەر ءبىز بارلىق مەكەمەلەردە زەرتتەۋ بارىسىندا ولاردىڭ جۇمىس ۋاقىتىن ءارتۇرلى ەتىپ وزگەرتسەك، جۇمىسقا دەيىن 15-20 مينۋتتا جەتۋگە مۇمكىندىك بولادى. بۇل الەمدىك ۇدەرىس. اسپاننان ەشتەڭە ويلاپ تاپقان جوقپىز»، - دەيدى ول.

ت. ارداننىڭ ءسوزى بويىنشا، قازىرگى كەزدە ارنايى زەرتتەۋ جاسالۋدا. ونىڭ اياسىندا مەكەمەلەردەگى جۇمىس ۋاقىتى تاڭعى 7:00 دەن 10:00 گە دەيىن وزگەرتىلمەك.

 اۆتور: جاسۇلان جولدىبايەۆ