ن. نازاربايەۆتىڭ ساپارى تاجىك- قازاقستاندىق قاتىناستار تاريحىنىڭ جاڭا بەتىن اشىپ وتىر - ە. راحمون
بۇل تۋرالى ول بۇگىن دۋشانبەدەگى كوحا ۇلتتارى سارايىندا ب ا ق وكىلدەرى الدىندا جاساعان بىرلەسكەن مالىمدەمە بارىسىندا ايتتى.
«نۇرسۇلتان ءابىش ۇلىنىڭ بۇل ساپارى تاجىك- قازاقستاندىق قاتىناستار زاماناۋي تاريحىنىڭ جاڭا پاراعىن اشىپ وتىر. بۇل جاي عانا رەسمي تۇردە جاريالاۋ ەمەس، ويتكەنى اتالعان ساپاردىڭ اياسىندا تاراپتار وزدەرىنىڭ قاتىناستارىنىڭ العاش رەت ستراتەگيالىق سەرىكتەستىك دەڭگەيىنە شىققانى تۋرالى جاريالادى» ، - دەدى ە. راحمون.
ول سونداي- اق كەلىسسوزدەر قورىتىندىلارى بويىنشا ەكى ەلدىڭ الەۋەتى مەن قاجەتتىلىكتەرىنە سايكەس تاراپتاردىڭ بۇرىنعىدان دا تىعىز جانە ناتيجەلى ىنتىماقتاستىققا ەكىجاقتى ۇمتىلىس بەلگىلى بولىپ، ول قول قويىلعان ءبىر توپ كەلىسسوز- قۇقىقتىق قۇجاتتاردان كورىنىس تاپتى.
«بۇگىنگى كەڭ كولەمدى ەكىجاقتى، ايماقتىق جانە حالىقارالىق سيپاتتاعى ماسەلەلەر بويىنشا كەلىسسوزدەردىڭ بارىسىندا كوپ جاعدايدا تاراپتاردىڭ ۇستانىمدارى ۇقساس ەكەندىگىنە كوز جەتكىزدى» ، - دەپ تۇيىندەدى ە. راحمون.
