قازاقستاندىق ءانشى ۋكراينالىق تىڭدارمانداردى تاڭعالدىردى

استانا. قازاقپارات - «ينديگو» توبىنىڭ بۇرىنعى ورىنداۋشىسى، قازاقستاندىق ءانشى ايبوپە قاراشيەۆا ۋكراينانىڭ Х-Factor شوۋىنا قاتىستىپ، ونەرىمەن كوپشىلىك سۇيىسپەنشىلىگىنە بولەندى، دەپ حابارلايدى NUR. KZ.

12 - قىركۇيەكتە YouTubе  الەۋمەتتىك جەلىسىندە ۋكراينانىڭ تانىمال Х-Factor شوۋىنداعى تورەشىلەردى ونەرىمەن ءتانتى ەتكەن قازاقستاندىق ءانشى ايبۋدىڭ (ايبوپە قاراشيەۆا) ۆيدەوسى جۇكتەلدى.

ۆيدەودان تورەشىلەردىڭ ءبىرى ايبۋدى قولداۋعا نە سەبەپتى تانىمال «اۆياتور» توبى كەلگەنىنە قىزىعۋشىلىق تانىتقانى بايقالادى.

وعان جاۋاپ رەتىندە قازاقستاندىق ءانشى الداعى ۋاقىتتا اتالمىش توپپەن ونەر كورسەتۋ جوسپاردا بارىن جاسىرمادى.

ايبۋ Jessie J - Domino  ءانىن ورىنداپ، تورەشىلەردىڭ تورتەۋىنىڭ دە كوڭىلىنەن شىقتى.