ءبىزدىڭ قازاق حالقىنىڭ مەملەكەتتىگى وتە تەرەڭدە جاتىر - ا. ورازباقوۆ

استانا. قازاقپارات - ءبىزدىڭ قازاق حالقىنىڭ مەملەكەتتىگى وتە تەرەڭدە جاتىر، دەيدى قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ تاريح، قۇقىق جانە ەكونوميكا فاكۋلتەتىنىڭ دەكانى، تاريح عىلىمدارىنىڭ كانديداتى، استاناعا قىزىلوردا وبلىسىنان كەلگەن دەلەگاتسيا مۇشەسى ايتجان ورازباقوۆ.

قازاق حاندىعىنىڭ 550 جىلدىعىنا ارنالعان مەرەكەلىك شارا بۇگىن ەلوردانىڭ تورىندەگى تاۋەلسىزدىك سارايىنان باستاۋ الدى. ەلباسىنىڭ قاتىسۋىمەن وتكەن سالتاناتتى شارا جوعارى دەڭگەيدە ءوتتى. استاناداعى نازاربايەۆ ۋنيۆەرسيتەتىندە «ماڭگىلىك ەل» تاقىرىبىمەن عىلىمي- تاجىريبەلىك كونفەرەنتسيا ءوتىپ، وندا ەلىمىزدىڭ بەلگىلى تاريحشى عالىمدارى قازاق حاندىعىنا قاتىستى تىڭ دەرەكتەرمەن ءبولىستى.

«ءبىزدىڭ قازاق حالقىنىڭ مەملەكەتتىگى وتە تەرەڭدە جاتىر. سوڭعى كەزدەرى ونىڭ ەكى جارىم مىڭ جىلدىق تاريحى بار ەكەندىگى ايتىلىپ ءجۇر. ورتا عاسىر زەرتتەۋشىلەرىنىڭ جازبالارىنا قاراعاندا، 1465 -جىلعا قاراي قۇرىلعان قازاقتار مەملەكەتى وزگە ەلدەرگە تانىمال بولعان. دەمەك، بۇل بۇعان دەيىن دە مەملەكەتتىگى بار حالىق بولدىق دەگەن ءسوز. سونان بەرىدە بەس جارىم عاسىر ءوتىپتى. وسى ورايدا، قازاق حاندىعى دەگەندە الدىمەن ورتا عاسىرلارداعى سىر ءوڭىرى ەسكە تۇسەدى. سىر ەلىنىڭ ورنى تۋرالى ەلباسىمىزدىڭ «سىر - الاشتىڭ اناسى» دەگەن باعاسى ءاردايم ەسىمىزدە تۇرادى. مۇنىڭ ءوزى قازاق حاندىعىنداعى تاريحىنداعى سىر ءوڭىرىنىڭ ماڭىزدىلىعىن دالەلدەي تۇسەدى»، - دەيدى ا. ورازباقوۆ.

اۆتور: ەلۋباي اۋەزوۆ