عارىشتاعى زەرتتەۋلەر بويىنشا قازاقستاننىڭ باعدارلاماسى ورىندالدى - ايدىن ايىمبەتوۆ

 استانا. قازاقپارات - بۇگىن استانا اۋەجايىندا ق ر پرەزيدەنتى نۇرسۇلتان نازاربايەۆپەن كەزدەسۋ بارىسىندا قازاقستان عارىشكەرى ايدىن ايىمبەتوۆ زەرتتەۋ باعدارلاماسى ورىندالعانىن حابارلادى.

ايتا كەتەيىك، بۇگىن ەلوردادا «سويۋز ت م ا-16م» عارىش كەمەسىنىڭ حالىقارالىق ەكيپاجىن قارسى الۋعا ارنالعان سالتاناتتى شارا ءوتتى.

«زەرتتەۋلەر بويىنشا قازاقستاننىڭ باعدارلاماسى ورىندالدى. نۇرسۇلتان ءابىش ۇلى، ءسىزدىڭ باسشىلىعىڭىزبەن ءبىزدىڭ ەلىمىز العا جىلجىپ، عارىش سالاسى دامىپ كەلە جاتقاندىعىنا وتە قۋانىشتىمىن»، - دەدى ا. ايىمبەتوۆ.

سونىمەن قاتار عارىشتا تاپسىرىلعان باعدارلامالار تۇگەلدەي ورىندالعانىن رەسەيلىك عارىشكەر دە قۇپتادى. «بۇگىن حالىقارالىق عارىش ەكيپاجىنداعى ءۇش ەلدىڭ وكىلى، ياعني قازاقستان، رەسەي جانە دانيانىڭ عارىشكەرلەرى ساپاردىڭ بارلىق باعدارلاماسىن ورىنداپ، قوناقجايلى قازاقستان جەرىنە امان- ەسەن قوندى. بارشامىز ءۇشىن بۇل ۇلكەن مەرەكە. بۇگىن ءبىزدى قارسى الۋ شاراسىندا كوپتەگەن جاستاردى بايقادىم. بۇل ءوز كەزەگىندە جاس بۋىنعا ۇلگى كورسەتۋدىڭ جارقىن جولى»، - دەدى گەنناديي پادالكا (رەسەي عارىش).

ءوز كەزەگىندە دانيانىڭ العاشقى استروناۆتى اندرەاس موگەنسەن حالىقارالىق عارىش ەكيپاجى ءوز جۇمىسىندا جوعارى ناتيجە كورسەتكەندىگىن اتاپ ءوتتى. «بىرلەسە وتىرىپ قانداي جەتىستىكتەرگە قول جەتكىزە الاتىندىعىمىزدىڭ جارقىن ۇلگىسىن كورسەتتىك. وسى تۇرعىدا جاسالعان جاعدايلار ءۇشىن قازاقستانعا ۇلكەن العىسىمدى ايتامىن»، - دەدى ا. موگەنسەن.

اۆتور: رۋسلان عابباسوۆ