ن. نازاربايەۆ: ايدىن ايىمبەتوۆتىڭ زەرتتەۋلەرى ەلىمىزگە ۇلكەن پايداسىن تيگىزەدى - فوتو

 استانا. قازاقپارات - ايدىن ايىمبەتوۆتىڭ عارىشتاعى زەرتتەۋلەرى ەلىمىزگە ۇلكەن پايداسىن تيگىزەدى.
None
None

 بۇل تۋرالى بۇگىن استانا اۋەجايىندا ق ر پرەزيدەنتى نۇرسۇلتان نازاربايەۆ «سويۋز ت م ا-16م» عارىش كەمەسىنىڭ حالىقارالىق ەكيپاجىن قارسى العاننان كەيىن وتكەن باسپا ءسوز ءماسليحاتىندا ءمالىم ەتتى.

«بايقوڭىر» عارىش ايلاعى قازاقستان جەرىندە بولعاننان كەيىن، ءبىز عارىشتىق مەملەكەتتەردىڭ قاتارىنا كىرەمىز. سونىمەن بىرگە ەلىمىزدىڭ اسپانداعى جەر سەرىكتەرى بار. ونىڭ بارلىعى ءتيىستى جۇمىستاردى اتقارىپ جاتىر. ايدىن عارىشقا بەكەر كوتەرىلگەن جوق، ياعني ول عىلىمي زەرتتەۋ جۇمىستارىن جۇرگىزدى. سايكەسىنشە، بۇل زەرتتەۋلەردىڭ بىزگە ۇلكەن پايداسى بار»، - دەدى پرەزيدەنت.

«ءبىز بارشامىز سىزدەردىڭ امان- ەسەن ورالعاندارىڭىزدى تىلەدىك. ارينە، بارلىق قازاقستان حالقى ءبىزدىڭ ءۇشىنشى عارىشكەرىمىز ايدىننىڭ ءساتتى ورالۋىن كۇتتى. بايقوڭىر عارىش ايلاعىنىڭ مەرەيتويلى جىلىندا بۇل وتە ايرىقشا ءمانى بار وقيعا. 1960 - جىلى الەمدەگى ەڭ ءىرى عارىش ايلاعى بولىپ سانالاتىن «بايقوڭىردىڭ» قۇرىلىسى باستالدى. ءدال وسى جەردەن ادام جەردىڭ تارتىلىس كۇشىن ەڭسەرىپ، العاشقى جەر سەرىگى، ءبىرىنشى ادام عارىشقا ۇشتى. سودان بەرى ءبىز «بايقوڭىر» عارىش ايلاعىنان عارىشقا ۇشقان ادامداردىڭ بارلىعىن ءوزىمىزدىڭ جەرلەستەرىمىزدەي قابىلدايمىز. عارىشكەرلەردىڭ امان- ەسەن ورالۋىنا سىزدەرمەن بىرگە قۋانىپ، جىلى قابىلدايمىز»، - دەدى پرەزيدەنت.

ەلباسى بۇگىندە الەمدە ەكى ءجۇز مەملەكەت بار ەكەنىن، الايدا ولاردىڭ باسىم بولىگىنىڭ عارىشكەرلەرىن ۇشىرۋعا مۇمكىندىكتەرى جوق ەكەنىن اتاپ ءوتتى.

«بۇنداي مۇمكىندىگى بار ەلدەر سيرەك جانە ءبىز وسى مەملەكەتتەردىڭ اراسىندامىز. روس كوسموستىڭ قولداۋى ارقىلى عارىشكەرلەردى وقىتىپ، ۇشىردىق. ءبىرىنشى عارىشكەرىمىز - توقتار، ەكىنشىسى - تالعات، ءۇشىنشىسى - ايدىن. سوندىقتان دا عىلىمي جاعىنان، تەحنيكالىق وركەندەۋ تۇرعىسىندا عارىشتىق زەرتتەۋلەرمەن اينالىسقان وتە دۇرىس. ءبىز رەسەيمەن وسى جۇمىستى ارى قاراي جالعاستىرا بەرەتىن بولامىز. بۇل باعىتتاعى شىعىن عىلىمي زەرتتەۋلەرمەن قازاقستاننىڭ اتاعى ءۇشىن قايتىپ كەلەدى دەپ سانايمىن. ءبىز وتە قۋانىشتىمىز. وسى ورايدا بارشالارىڭىزدى جەرگە ورالۋلارىڭىزبەن قۇتتىقتايمىز»، - دەپ تۇيىندەدى ن. نازاربايەۆ.

 بۇدان بۇرىن حابارلانعانداي، بۇگىن تاڭەرتەڭ گەننادي پادالكا (رەسەي عارىش)، قازاقستاندىق عارىشكەر ايدىن ايىمبەتوۆ، سونداي- اق دانيانىڭ العاشقى استروناۆتى اندرەاس موگەنسەن قازاقستاندا ەسەپتەلگەن اۋدان ماڭىنا امان- ەسەن قوندى. جوسپار بويىنشا 06:51-دە جەزقازعان قالاسىنان وڭتۇستىك- شىعىسقا قاراي 146 ك م قاشىقتىقتا جەرگە ءساتتى قونعان عارىشكەرلەر استاناعا سالتاناتتى قارسى الۋ شاراسىنا اتتاندى.

اۆتور: قانات مامەتقازى ۇلى

null null
null null null null null null null null null null null 

سوڭعى جاڭالىقتار