ەلباسى قازاق عارىشكەرى ايدىن ايىمبەتوۆتى استانا اۋەجايىندا قارسى الدى - فوتو
رەكوردسمەن گەننادي پادالكا (رەسەي عارىش)، قازاقستاندىق عارىشكەر ايدىن ايىمبەتوۆ، سونداي- اق دانيانىڭ العاشقى استروناۆتى اندرەاس موگەنسەن قازاقستاندا ەسەپتەلگەن اۋدان ماڭىنا امان- ەسەن قوندى.
جوسپار بويىنشا 06:51-دە جەزقازعان قالاسىنان وڭتۇستىك- شىعىسقا قاراي 146 ك م قاشىقتىقتا جەرگە ءساتتى قونعان عارىشكەرلەر استاناعا قازاقستان باسشىلارىنىڭ سالتاناتتى قارسى الۋ شاراسىنا اتتاندى.
«سويۋزدىڭ» قونۋىن قامتاماسىز ەتۋ جونىندەگى ىزدەۋ- قۇتقارۋ قىزمەتىنە 200 گە جۋىق اسكەري قىزمەتكەر، بورتىندا ارنايى جابدىقتارى بار 14 م ي-8 تىكۇشاقتارى، ءتورت ا ن-12 جانە ان-26 ۇشاقتارى جانە 15 بىرلىك تەحنيكا، سونداي- اق ءتورت جول تالعامايتىن ىزدەستىرۋ- كوشىرۋ ماشينالارى قاتىستىرىلدى.
ەستەرىڭىزگە سالا كەتەيىك، ايدىن ايىمبەتوۆ 2 - قىركۇيەكتە عارىش كەمەسىمەن حالىقارالىق عارىش ستانساسىنا ۇشقان بولاتىن. وتانداسىمىز مۇندا ءبىرقاتار عىلىمي تاجىريبەلەر، اتاپ ايتساق ەكولوگيا، فيزيكا جانە مەديتسينا سالاسىندا زەرتتەۋلەر جۇرگىزدى. سونداي- اق، قازاق ۇلتتىق تاعامدارىن عارىشكەرلەر راتسيونىنا ەنگىزۋ تاجىريبەدەن وتكىزىلدى.
ح ع س سەگمەنتىنە قازاقستاندىق عارىشكەردىڭ ۇشىرىلىم باعدارلاماسىن دايىنداۋدى قازعارىش « ۇلتتىق عارىشتىق زەرتتەۋ جانە تەحنولوگيالار ورتالىعى» ا ق- عا (ۇ ع ز ت و) تاپسىرىلعان. باعدارلاما باسشىسى، « ۇ ع ز ت و» ا ق پرەزيدەنتى جۇمابەك جانتايەۆ قازاقستاندىق عارىشكەردىڭ ۇشىرىلىمىنا كەلىسىمشارتقا قول قويعاننان كەيىن قازاقپاراتقا بەرگەن قىسقاشا سۇحباتىندا ايدىن ايىمبەتوۆ ح ع س بورتىندا ون ەكسپەريمەنت ورىندايتىنىن ايتقان بولاتىن. ولاردىڭ ىشىندە تابيعي- رەسۋرستىق جانە گەوفيزيكالىق مونيتورينگ بويىنشا زەرتتەۋ بار.
ايتا كەتەيىك، ايدىن ايىمبەتوۆ بۇل ساپارىن قازاق حاندىعىنىڭ 550 جىلدىعىنا، اتا زاڭىمىزدىڭ 20 جىلدىعى مەن جەڭىستىڭ 70 جىلدىعىنا ارنايتىندىعىن ايتقان بولاتىن.
اۆتور: رۋسلان عابباسوۆ
