عالىمدار ءولىمنىڭ ءيىسىن انىقتادى

استانا. قازاقپارات - بريتانيادا عالىمدار ولىمنەن كەيىنگى ادام ءمايىتىنىڭ ءيىسى قانداي ەكەنىن انىقتادى.

بۇل جاڭالىقتى عالىمدار برەدفورد قالاسىنداعى بريتانيالىق عىلىم فەستيۆالىندە جاريا ەتتى دەپ جازادى TechTimes. بۇل تۋرالى lenta.ru-عا سىلتەمە جاساپ NUR. KZ حابارلايدى.

عالىمدار ادام دەنەسى بولشەكتەنە باستاعاندا جاڭا شابىلعان ءشوپتىڭ ءيىسى مەن بالعىن بالىقتىڭ يىسىنە ۇقساس ءيىس شىعادى دەگەن تۇجىرىمعا كەلگەن.

ولىمنەن كەيىن دەنەدەن بولشەكتەنىپ شىعاتىن زاتتى گەكسانال دەپ اتايدى. بۇل زات جاڭا شابىلعان شوپتەن دە بولىنەدى. سونىمەن قاتار يندول جانە تريمەتيلامين اتتى زاتتار دا دەنەدە ىدىرايدى. ول زاتتار بالعىن بالىقتاردان تابىلعان.

بۇل تۇجىرىمعا عالىمدار بىرنەشە شوشقا مايىتتەرىن زەرتتەۋ ارقىلى كەلگەن. ماماندار ونى گەرمەتيكالىق كەڭىستىككە سالىپ، تۇراقتى تۇردە ونداعى اۋا ۇلگىلەرىن الىپ وتىرعان. الىنعان كورسەتكىشتەردى ءتىرى ادامنىڭ يىسىمەن سالىستىرعان.

ماماندار بۇل زەرتتەۋ كريميناليستەر مەن ولاردىڭ يتتەرىنە پايداسىن تيگىزەدى دەگەن ۇمىتتە.