وزبەكستان ايەلدەرى بالا ورنىنا قۋىرشاق وراپ الىپ، قايىر سۇراپ كەلگەن - فوتو
ءۇش كەلىنشەك مەدەۋ اۋدانىنىڭ ادام كوپ شوعىرلانعان جەرلەرىندە كاسىپ ەتكەن. ولاردىڭ بىرەۋىندە عانا قۇنداقتاۋلى ءسابي بولسا، قالعان ەكەۋىنىڭ قولىندا قۋىرشاق ەكەندىگى بەلگىلى بولدى.
«بالاعا ۇقساس بولسىن دەپ جورگەككە ماقتا، ماتا تولتىرىپ العان. ولار وسىلايشا وڭاي ولجاعا كەنەلمەك بولعان. سوڭىنان بەلگىلى بولعانداي، ولار قازاقستاننىڭ كوشى- قون تۋرالى زاڭىن بۇزىپ كەلگەن. ۇستالعانداردىڭ قولىندا جەكە باسىن كۋالاندىراتىن قۇجات جوق بولىپ شىقتى. ولار ءتولقۇجاتتارىنىڭ تىركەۋدە ەكەندىگىنە سەندىرىپ باعۋعا تىرىستى. اقپارات راستالماي شىقتى. سوت شەشىمىمەن ولار اكىمشىلىك جازاعا تارتىلىپ، ەلدەن الاستاتىلادى»، - دەدى مەدەۋ اۋداندىق ءى ءى ب باسشىسى ەرلان ورالبەكوۆ.
ونىڭ ايتۋىنشا، قولدانىستاعى زاڭناماعا سايكەس ق ر ا ق ك 449-بابى بويىنشا وسىنداي ارەكەت جاساعانى ءۇشىن شەتەلدىك ازاماتتار 5 تاۋلىككە قامالىپ، كەيىن ەلدەن الاستاتىلادى.
