م. قويگەلدى: قازاق حاندىعى دەگەنىمىز - ۇلتتىق مەملەكەتتىك دەگەن ءسوز
«قازاق حاندىعىنىڭ 550 جىلدىعى - ءبىزدىڭ ۇلتىمىز ءۇشىن ەرەكشە داتا. قازاق حاندىعى دەگەنىمىز - ۇلتتىق مەملەكەتتىك دەگەن ءسوز. بۇعان دەيىنگى مەملەكەتتەر ءبىزدىڭ ۇلان- عايىر دالامىزدا پايدا بولعان، وسكەن، وركەندەگەن. ولار ارينە، ءبىزدىڭ مەملەكەتتىگىمىزدىڭ نەگىزىمەن ۇندەس. ءبىراق، ءبىزدىڭ حاندار وسىدان 550 جىل بۇرىن پايدا بولعان مەملەكەتكە ۇلتىمىزدىڭ اتىن بەردى، حالىق رەتىندە ءوزىنىڭ ورنىن انىقتادى. الەمدىك كەڭىستىكتە ءوز كەلبەتىن قالىپتاستىردى»، - دەدى م. قويگەلدى.
سونىمەن قاتار، تاريحشى عالىم شارالاردىڭ قازاق حاندىعىمەن شەكتەلىپ قالماۋى كەرەكتىگىن اتاپ ءوتتى. «قازاق حاندىعىنىڭ تاۋەلسىزدىگى، مەملەكەتتىگىمىزدىڭ بۇتىندىگى ءۇشىن كۇرەس ءبىزدىڭ دالادا ەش توقتاعان ەمەس. ارعىنى ايتپاعاندا، بەرگى يساتاي تايمان ۇلى، كەنەسارى حان، ودان بەرگى الاش ارىستارىنىڭ قوزعالىسى - بۇنىڭ ءبارى مەملەكەتتىلىك، ەلدىك ءۇشىن كۇرەستىڭ كورىنىسى. سوندىقتان دا، مۇنداي شارالار قازاق حاندىعىنىڭ اياسىندا شەكتەلىپ قالماۋى كەرەك. قازاق حاندىعى دەگەن - قازاق مەملەكەتتىلىگى دەگەن ءسوز. حاندىق ءۇشىن كۇرەس - مەملەكەتتىلىك ءۇشىن كۇرەس. ول كۇرەس بۇگىن دە جالعاسۋ ۇستىندە»، - دەپ تۇيىندەيدى مامبەت قويگەلدى.
اۆتور: قانات مامەتقازى ۇلى
