بىزگە بابالار تۇلپارىنىڭ تۇياعىمەن جازىلعان اتا تاريحىمىزدىڭ ءار پاراعى ەرەكشە قىمبات - ەلباسى
«مەن بۇرىنىراق ءبىر جازعانىمدا ايتقان ەدىم: «قازاق تاريحىندا ءبىز ۇيالاتىن ەشتەڭە جوق» دەپ. بۇگىن سول ءسوزىمنىڭ جالعاسى رەتىندە ايتار ەدىم، بىزگە بابالار تۇلپارىنىڭ تۇياعىمەن جازىلعان اتا تاريحمىزدىڭ ءار پاراعى ەرەكشە قىمبات. قازاق حالقىنىڭ بۇگىنگى جانە بولاشاق بۋىنى ونى ءاردايىم ماقتان ەتەتىن بولادى» ، - دەدى ەلباسى.
بۇل رەتتە مەملەكەت باسشىسى تەك وتكەن تاريحىمەن عانا ماقتاناتىن ەلدىڭ بولاشاعى بۇلىڭعىر ەكەنىن ايتتى. «ءار بۋىن وكىلدەرى اتا- بابا داڭقىنا داڭق قوسىپ، ابىرويىن ارتتىرىپ، بۇكىل دۇنيە ءجۇزى الدىندا بەدەلىن بيىكتەتە بىلگەن عانا ەلدىڭ بولاشاعى جارقىن، مەرەيى ۇستەم بولماق. وسى تۇرعىدان كەلگەندە، تاۋەلسىزدىك قازاقستاننىڭ بۇگىنگى بۋىنى بابالار اماناتىنا ادالدىق تانىتىپ، ەلىمىزدىڭ ابىروي بەدەلىن بۇرىن- سوڭدى بولماعان بيىككە كوتەردى دەپ ايتا الامىز» ، - دەدى ن. نازاربايەۆ.
اۆتور: قانات مامەتقازى ۇلى
