13:05, 10 - قىركۇيەك 2015 | GMT +5
ەلباسى: ىنتىماق - تۇركىتىلدەس ەلدەر الدىنا قويىلعان مىندەتتەردى ىسكە اسىرۋدىڭ كەپىلى
استانا. قازاقپارات - ق ر پرەزيدەنتى نۇرسۇلتان نازاربايەۆ تۇركىتىلدەس مەملەكەتتەر ىنتىماقتاستىق كەڭەسىنىڭ باس حاتشىسى راميل گاسانوۆتى قابىلدادى، دەپ حابارلادى اقوردانىڭ باسپا ءسوز قىزمەتىنەن.
كەزدەسۋ بارىسىندا ر. گاسانوۆ قازاقستان پرەزيدەنتىنە ۇيىمنىڭ قازىرگى قىزمەتى مەن ەرتەڭگە جوسپارلانىپ وتىرعان تۇركىتىلدەس مەملەكەتتەر ىنتىماقتاستىق كەڭەسىنىڭ بەسىنشى سامميتىنە دايىندىق تۋرالى باياندادى.
مەملەكەت باسشىسى الداعى ءسامميتتىڭ تۇركى كەڭەسىنە مۇشە ەلدەر اراسىنداعى ءوزارا ءىس- قيمىلدى نىعايتۋ تۇرعىسىنان ماڭىزدى ەكەنىن اتاپ ءوتتى. قازاقستان پرەزيدەنتى ىنتىماق، سونداي- اق جۇزەگە اسىرىلاتىن جوبالارعا جان- جاقتى قولداۋ كورسەتۋ تۇركىتىلدەس مەملەكەتتەر الدىنا قويىلعان مىندەتتەردى تابىستى ىسكە اسىرۋدىڭ كەپىلى ەكەنىن ايتتى.
ر. گاسانوۆ نۇرسۇلتان نازاربايەۆتى جانە قازاقستان حالقىن قازاق حاندىعىنىڭ 550 جىلدىعىمەن قۇتتىقتاپ، بۇل مەرەكە بۇكىل تۇركى الەمىنە ورتاق ەكەنىن ايتتى.
