رەسەي مەن ۋكراينا پرەزيدەنتتەرىنىڭ قازاقستانعا رەسمي ساپارى كۇتىلۋدە
بۇل تۋرالى بۇگىن ديپلوماتيالىق كورپۋسپەن وتكەن بريفينگ بارىسىندا سىرتقى ىستەر ءمينيسترى ەرلان ىدىرىسوۆ ءمالىم ەتتى.
«جوسپار بويىنشا، وتە كوپ ساپارلار كۇتىلۋدە. ولاردىڭ اراسىندا پرەزيدەنت، پرەمەر-مينيسترلەر دەڭگەيىندەگى ساپارلار بار. ۇجىمدىق قاۋىپسىزدىك كەلىسىمشارتى ۇيىمى مەن وزگە دە ۇيىمداردىڭ دەڭگەيىندە ءبىرقاتار ايماقتىق ءىرى شارالار وتەدى. قازان ايىندا ت م د جانە ە ا ە و سامميتتەرىن ۇيىمداستىرماقپىز. سونداي-اق، رەسەي فەدەراتسياسىنىڭ پرەزيدەنتى ۆلاديمير پۋتين مەن ۋكراينا پرەزيدەنتى پەتر پوروشەنكونىڭ رەسمي ساپارلارى كۇتىلۋدە»، - دەپ ءمالىم ەتتى ە. ىدىرىسوۆ.
سىرتقى ىستەر ءمينيسترى حابارلاعانداي، ەلباسى نۇرسۇلتان نازاربايەۆ ۇلى بريتانيا، فرانسيا، و ا ر، ساۋد ارابياسى مەن كاتار ەلدەرىنە ساپار جاسايدى.
«كورىپ وتىرعاندارىڭىزداي، جۇمىس كەستەسى وتە تىعىز. ءبىزدىڭ ۇجىمداسقان كۇش- جىگەرىمىز ناتيجەلى بولادى دەپ سەنەمىز»، - دەدى ءسوزىن تۇيىندەگەن ە. ىدىرىسوۆ.
اۆتور: كەنجەكەي توقتامۇرات قىزى
