ق ر جوعارعى باس قولباسشىسىنىڭ تاپسىرماسى بويىنشا ارميانىڭ جاۋىنگەرلىك ازىرلىگى تەكسەرىلدى -فوتو
مۇنداي اۋقىمدى تەكسەرىس ق ر قارۋلى كۇشتەرىندە ءبىرىنشى رەت وتكىزىلىپ وتىر، دەپ حابارلادى ۆەدومستۆونىڭ باسپا ءسوز قىزمەتىنەن.
پارمەن بويىنشا ءبىر ۋاقىتتا جوعارىدا اتالعان وبلىستاردا 10000 عا جاۋىق اسكەري قىزمەتشى، قۇرلىق اسكەرلەرىنىڭ 20 دان استام بولىمشەلەرى، 2000 نان استام بىرلىك تەحنيكا كوتەرىلدى. ال جونەلتۋ ءۇشىن 17 ەشەلون تارتىلدى. الداعى اپتا ىشىندە اسكەرلەر وقۋ- جاۋىنگەرلىك تاپسىرمالاردى، ونىڭ ىشىندە ىلە وزەنىنىڭ سۋ بوگەتىن الماستىرۋدى پىسىقتايدى، ق ر ق ك اۋە قورعانىسى كۇشتەرىمەن اۋەدەن قولداۋ جۇزەگە اسىرىلاتىن بولادى.
اسكەرلەردىڭ ءىس- قيمىل بارىسىن ق ر قورعانىس ءمينيسترى يمانعالي تاسماعامبەتوۆ پەن ق ر ق ك باس شتابىنىڭ باستىعى گەنەرال- پولكوۆنيك ساكەن جاسۇزاكوۆ باقىلاپ وتىردى. ولار قاپشاعاي قالاسىنداعى «بەرەگ» وقۋ- جاتتىعۋ ورتالىعىنا باردى، وندا 4000 اسكەري قىزمەتشى، شامامەن 1800 بىرلىك تەحنيكا مەن قارۋ- جاراق، 10 نان استام باتالون جەكە قۇرامى شوعىرلاندىرىلدى. تەكسەرىس ناتيجەسىندە شارتتى زاڭسىز قارۋلى قۇرالىمدار وقشاۋلانىپ، جويىلادى، ولارعا ۆەدومستۆوارالىق توپتامالاردىڭ سوققى كۇشتەرىمەن تويتارىس بەرىلەدى.
«قازىرگى ۋاقىتتا تەكسەرىسكە تارتىلاتىن قۇرامالار مەن اسكەري بولىمدەر جاۋىنگەردىك ازىرلىكتىڭ جوعارى دارەجەسىنە كەلتىرۋ جونىندەگى ءىس- شارالاردى ورىنداۋدا، مارش جاساۋدا. تولىق جاۋىنگەرلىك ازىرلىككە كەلتىرىلگەننەن كەيىن تەكسەرىلەتىن اسكەرلەر ولاردىڭ ۇدايى ورنالاسۋ پۋنكتتەرىنەن ۇلكەن قاشىقتىقتا ورنالاسقان تاڭسىق پوليگوندارعا جينالادى» ، - دەپ قورعانىس ۆەدومستۆاسىنىڭ ءمينيسترى يمانعالي تاسماعامبەتوۆ وقيعا جەلىسىن ءتۇسىندىردى.
بۇگىنگى كۇنى الەمنىڭ كوپتەگەن وڭىرلەرىندە مەملەكەتتىك باستامالاردى بوساڭسىتۋعا تالپىنعان ەكسترەميستىك، لاڭكەستىك جانە سەپاراتيستىك ۇيىمداردىڭ جاندانۋىنا بايلانىستى جاعدايدىڭ تۇراقسىزداندىرىلۋىنىڭ ەلەۋلى قاۋىپ- قاتەرى تۋىنداۋدا. مۇنداي تەكسەرىس ءتۇرىن وتكىزۋ اسكەرلەردىڭ دالالىق ماشىعىنىڭ دەڭگەيىن ارتتىرۋ ىسىندە كەزەكتى قادام بولماق.
