ن. نازاربايەۆ: قازاقستان ونىمدەرى - الەمدەگى ەڭ تازا ەكولوگيالىق ءونىم
«اگرارلىق ءونىم ءوندىرۋ سالاسىندا ۆەتەرينارلىق، ساقتاۋ، لوگيستيكالىق قىزمەت ناشار دامىعان. دسۇ تالاپتارى بويىنشا ۆەتەرينارياسىز مال شارۋاشىلىعى ونىمدەرىن ەشقايدا ساتا المايسىز. سوندىقتان، مالدىڭ اماندىعى ءۇشىن ۆەتەريناريانى قولعا الىڭىزدار. ءبىز ەڭ تازا ەكولوگيالىق ءونىم بىزدە دەپ ايتا الامىز. باتىس ەلدەرىندە قولدانىلاتىن سيمۋلياتورلاردى بىزدە قولدانبايتىنىن بۇكىل الەم ايتادى»، - دەدى ن. نازاربايەۆ.
دەگەنمەن، مەملەكەت باسشىسى گەندىك وزگەرىسكە ۇشىراعان ونىمدەردەن قورىقپاۋعا شاقىردى، سەبەبى ونىڭ بولاشاعى زور ەكەنىن ايتا كەتتى.
«برازيليا بۇل جاعىنان الدىڭعى قاتارداعى مەملەكەت دەپ ەسەپتەلەدى. مەن وندا گەندىك موديفيكاتسيالانعان اعزانىڭ (گ م ا) قالاي جاسالاتىنىن كوردىم. وندا تۇرعان قورقىنىشتى ەشتەڭە جوق، ەش حيمياسىز. كەيبىرەۋلەرگە ۇناماسا دا ايتايىن: الەم گ م ا- نى اينالىپ وتە المايدى. گ م ا ەنگىزىلەتىن بولادى. سەبەبى، جەر بەتىندەگى ادامدار ءۇشىن ازىق- تۇلىك ءونىمىن ءۇش ەسە كوبەيتۋگە مۇمكىندىك جوق»، - دەدى ق ر پرەزيدەنتى.
