ق ر مەملەكەتتىك حاتشىسى قازاقستان ديپلوماتتارىنىڭ ۇلى بريتانياعا ۆيزاسىز ساپارلاۋى ۇسىنىسىن جاسادى

استانا. قازاقپارات - ق ر مەملەكەتتىك حاتشىسى گۇلشارا ءابدىقالىقوۆا قازاقستان ديپلوماتتارىنىڭ ۇلى بريتانياعا ۆيزاسىز ساپارلاۋى ۇسىنىسىن جاسادى.

 بۇل جايىندا ول بۇگىن اقوردادا  ۇلى بريتانيا جانە سولتۇستىك يرلانديا بىرىككەن كورولدىگىنىڭ توتەنشە جانە وكىلەتتى ەلشىسى كەرولين براۋنمەن كەزدەسۋ بارىسىندا ايتتى.

 «بۇگىندە ەكونوميكا ماسەلەلەرى وتە وزەكتى، اسىرەسە، ينۆەستيتسيالاردى تارتۋ ايرىقشا ماڭىزدى بولىپ وتىر. وتكەن جىلى 10 ەلمەن ۆيزاسىز ءتارتىپتى ەنگىزۋ تۋرالى جاقسى شەشىم جاسالعان بولاتىن، ياعني بۇل تۇرعىدا ينۆەستورلارعا قولايلى جاعداي جۇزەگە اسىرىلدى. اتالعان شارا تاعى ءبىر جىلعا ۇزارتىلۋدا، ونىڭ ىشىندە  ۇلى بريتانيا دا قامتىلىپ وتىر. ءبىز ءوزىمىزدىڭ تاراپىمىزدان سىزدەردىڭ ەلدەرىڭىزگە ۆيزاسىز ەركىن ساپارلاۋى ءۇشىن، اسىرەسە، قىزمەتتىك ءتولقۇجاتتارى بار ديپلوماتتارعا  ۇلىبريتانيا جاعى ءتيىستى كەلىسىمگە قول قويعانىن ۇسىنار ەدىك»، - دەدى مەملەكەتتىك حاتشى.

 سونىمەن قاتار گ. ءابدىقالىقوۆا وسى ايدا  ۇلى بريتانيانىڭ ساۋدا جانە ادىلەت ءمينيسترىنىڭ قازاقستانعان ساپارى جوسپارلانىپ وتىرعاندىعىن اتاپ ءوتتى.

اۆتور: رۋسلان عابباسوۆ