08:12, 06 - قىركۇيەك 2015 | GMT +5
فينليانديا پرەمەر- ءمينيسترى بوسقىندارعا ءۇيىن بوساتىپ بەرۋگە ءازىر ەكەنىن ايتتى
استانا. قازاقپارات - فينليانديا پرەمەر-ءمينيسترى يۋحا سيپيليا ءوزىنىڭ جەكە مەنشىگىندەگى ءۇيىن ەۋرو وداقتىڭ وزگە ەلدەرىنە ۇلگى بولۋى ءۇشىن ميگراتتارعا بوساتىپ بەرۋگە دايىن ەكەنىن مالىمدەدى، دەپ جازادى «BBC» اگەنتتىگى.
سيپيليانىڭ ايتۋىنشا، كەمپەلەدەگى ونىڭ ءۇيى بوسقىندارعا پانا بولۋعا جارايدى. وسى مالىمدەمەسى ارقىلى پرەمەر-مينيستر فينن حالقىن مۇقتاج جاندارعا بەيجاي قاراماۋعا شاقىردى.
بۇعان دەيىن، ۆەنگريانىڭ بۇرىنعى پرەمەر-ءمينيسترى فەرەنتس ديۋرچان بوسقىنداردى ءوز ۇيىنە شاقىراتىنىن ايتىپ، العاشقى كەلۋشىلەردى قابىلداپ جاتقانىن جازعان.
جىل باسىنان بەرى فينلياندياعا 7 مىڭ بوسقىن كەلىپ، ساياسي باسپانا سۇرادى، ولاردىڭ دەنى يراكتان.
