ادامنىڭ قارتايۋى ورگانيزمنىڭ قۇرعاۋىمەن بايلانىستى - عالىمدار

استانا. قازاقپارات - ادام ورگانيزمىنىڭ مۇمكىندىكتەرىن قايتارىپ، ءومىردى ۇزارتۋ ماسەلەسى قاي زاماندا بولماسىن ادامزات بالاسىن ەڭ كوپ ويلاندىرعان ماسەلەلەردىڭ ءبىرى بولىپ كەلگەن.

 ال، عالىمدار بۇگىن وسى ماسەلەنىڭ شەشىمىن تابۋعا از قالعاندىعىن ءبارى بىلە بەرمەيدى. عالىمداردىڭ پايىمداۋلارىنشا، ادام اعزاسىنىڭ 70 پايىز سۋدان تۇرۋى تەگىن ەمەس.

ايتا كەتەتىن ماسەلە، جاڭا تۋىلعان نارەستەنىڭ اعزاسى 96 پايىزعا دەيىن سۋدان تۇراتىن بولسا، ەگدە تارتقان ادامدا بۇل كورسەتكىش 50 پايىزعا دەيىن جەتەدى.

 وسىلايشا، عالىمدار قارتايۋدىڭ اعزانىڭ قۇرعاۋى ەكەندىگىن دالەلدەپ وتىر. جاڭا تۋعان ءسابيدىڭ جاسۋشىلارى جاسۋشا ارالىق سۇيىقتىقتا ءجۇزىپ جۇرەدى. ادام ءومىر سۇرە كەلە وسى جاسۋشا ارالىق سۇيىقتىقتار بىرتە- بىرتە لاستانا بەرەدى. ادام اعزاسىنىڭ دامۋىنا قورشاعان ورتانىڭ لاستانۋى مەن دۇرىس تاماقتانباۋ، ءولى سۋدى پايدالانۋ دا كوپ سەپتىگىن تيگىزەدى.

 عالىمدار بۇل رەتتە ءتىرى سۋدىڭ دا بار ەكەندىگىن دە دالەلدەپ وتىر. تابيعي سۋ كوزدەرىنىڭ مينەرالدى سۋلارى ادام اعزاسىنىڭ جاسۋشا ارالىق سۇيىقتىعىن تازالاۋعا جانە جاسۋشىلاردى قاجەتتى زاتتارمەن قامتاماسىز ەتۋگە قابىلەتتى. ناتيجەسىندە ادام ەنەرگيا جيناپ، بويىنداعى كۇش- قۋاتى ارتادى. اعىن سۋدىڭ ادام دەنساۋلىعى ءۇشىن پايداسى وتە زور. عالىمدار سونىمەن قاتار، سىرتقى اسەردىڭ سالدارىنان سۋ كريستالدارىنىڭ وزگەرەتىنىن دە دالەلدەپ وتىر.