08:31, 05 - قىركۇيەك 2015 | GMT +5
ا ق ش ديپلوماتتارى مەن اسكەريلەردىڭ وتباسىلارى تۇركيادان شۇعىل كەتكەلى جاتىر
استانا. قازاقپارات - ۆاشينگتون تۇركيادا ورنالاسقان امەريكالىق ديپلوماتتار مەن اسكەري وتباسىلارىنا «يسلام مەملەكەتى» ەكسترەميستەرىنە قارسى سوعىس قيمىلدارىنىڭ كۇشەيتىلۋىنە بايلانىستى ەلدى تاستاپ شىعۋدى ۇسىندى.
پەنتاگون وكىلى پيتەر كۋكتىڭ مالىمدەۋىنشە، يندجيرليك اۆيابازاسىنا جاقىن جەردەگى ادانا قالاسىنىڭ شەت جاقتارىندا تۇراتىن 900 گە جۋىق ادام كوشىرىلۋى مۇمكىن، دەپ حابارلايدى بي- بي- سي.
«ەلدى تاستاپ شىعۋ جونىندەگى ۇسىنىس بەلگىلى ءبىر كەلەڭسىز جاعدايعا بايلانىستى تۋىنداپ وتىرعان جوق. بۇل تەك قانا ساقتىق شارالارى»، - دەيدى ول.
