ول حالىقتىق قىتاي ءۇشىن ايقاستى: اقتوبەلىك ارداگەر اسپاناستى ەلىندە بىرگە سوعىسقان مايدانداستارىنا ىزدەۋ سالادى - فوتو
بۇل سوعىسقا قازاقستاندىقتار دا قاتىستى. اقتوبەلىك بوريس كونيۋشەنكو العاش رەت سوعىستان كەيىنگى جىلدارى قىتاي حالىق- ازاتتىق اسكەرى ا ا ك قۇرىلعان كەزدە ساربازداردى جاۋىنگەرلىك ەكسادريلدە اسكەري ىسكە ماشىقتاندىردى. دوستىعى جانە قىتاي حالقىنا جاردەمدەسكەنى ءۇشىن ول ءتوراعا ماۋ زىدۇڭنىڭ اتىنان ەستەلىك مەدالمەن ماراپاتتالدى.
ونىڭ اينالاسىنداعى از ادامداردىڭ وزىنە بەيمالىم اعا سەرجانت كونيۋشەنكونىڭ اسپاناستى ەلىندەگى وديسسەياسى 1949 -جىلى باستالىپ، ەكى جارىم جىلعا سوزىلدى. بۇعان دەيىن اقتوبە تۋماسى №45 مەكتەپتى ءتامامداپ، تەمىر جول دەپوسىندا، مەحانيكالىق زاۋىتتا، مۇناي كومبيناتىندا (بۇرىنعى «گەوتەحنيكا» زاۋىتى)، «اقتوبەرەنتگەن» زاۋىتىندا جۇمىس ىستەدى. 1946 -جىلى ول اسكەرگە شاقىرتىلىپ، ماسكەۋ اۆياتسيالىق ۋچيليشەسىنە وقۋعا جىبەرىلدى. ودان اۆياتسيالىق جابدىقتاۋ جونىندەگى تەحنيك اعا سەرجانت بوريس كونيۋشەنكونى باتىس ۋكرايناعا جىبەردى.
1949 -جىلى ساۋىردە بوريس يۆانوۆيچتىڭ تاعدىرى كۇرت وزگەردى. كيەۆتەن ماسكەۋگە كەلىپ، قوناق ۇيگە ورنالاستىرىلدى. مامىر كۇندەرىنىڭ بىرىندە ونى كولىككە وتىرعىزىپ، ماسكەۋ ماڭىنداعى ورماندا ورنالاسقان اسكەري بولىمگە الىپ كەلدى. ءسوز العان گەنەرال: «ءسىز قىتايعا ارنايى تاپسىرمانى ورىنداۋ ءۇشىن اتتاناسىز» دەدى. سوسىن وسى ەلدەگى اسكەري، ەكونوميكالىق، ساياسي جاعدايمەن تانىستىرا باستادى. ك س ر و كوممۋنيستىك قىتايعا ماتەريالدىق كومەكپەن قوسا، مىڭداعان اسكەري ماماندار مەن ساربازداردى جىبەردى.
ۇشاق جابدىقتاۋ تەحنيگى كونيۋشەنكو دە وسىنداي قۇرامالاردىڭ بىرىنە ءتۇستى. ەكزوتيكالىق ەلگە بارۋ ءۇشىن ءبىرقاتار قۇپيا دايىندىقتان ءوتتى. گەنەرالدان تاپسىرما الىنعاننان كەيىن ساربازدى تاعى ماسكەۋگە اكەلىپ، تۇگەل قۇجاتتارىن الىپ قويدى. ءارقايسىنا ازاماتتىق كيىم - كوستيۋم، قالپاق، جەيدە، اياق كيىم ءۇش- ۇشتەن ۇلەستىرىلدى. «ازاماتتىق كيىمگە ۇيرەنە بەرىڭدەر»، - دەپ ولارعا كەڭەس بەرىلدى.
قىتايعا دەيىن ق ش ت ج ارقىلى جەتتى. الدىمەن چيتاعا دەيىن، كەيىن وتپور ستانساسىنا دەيىن، سول جەردەن قىتاي ۆاگوندارىنا وتىرىپ، تار جولمەن حاربينگە جەتتى. ودان كەيىن بەيجىڭگە كەلىپ، سول جەردەن ەل شىعىسىنا جينان قالاسىنا جىبەرىلدى.
- ول كەزدە قىتايدىڭ جاعدايى ك س ر و- داعىدان دا ناشار بولدى، دەپ ەسكە الادى بوريس يۆانوۆيچ، - شامامەن ءبىزدىڭ ازاماتتىق سوعىس جىلدارى كەزەڭىندەگىدەي بولدى. اۆياەكسادريلدە قىزمەت ەتتىم. قىتايلىقتارعا ءوز اۆياتسياسىن قۇرۋعا جاردەمدەسۋ مىندەتى تۇردى. جاس جىگىتتەرگە ۇشاق، اەرودروم جابدىقتارىن زەردەلەۋگە جاردەمدەستىم. اەرودروم ءۇشىن ساي كەلەتىن الاڭ تاڭداپ، ۇشۋ جولاقتارىن تازالاپ، قاجەتتى جابدىقتار ورناتقان سوڭ ۇشاقتار ۇشىرىلا باستادى. قىتاي ساربازدارى وتە ەڭبەكقور، بىلۋگە قۇمار جاستاردان قۇرالدى.
قىتاي ۇشقىشتارى لا، يا ك - كەڭەس ۇشاقتارىندا ۇشۋعا داعدىلاندى. ءبىزدىڭ نۇسقاۋشىلار ولاردى جەردە، ناعىز اۋە ايقاستارىندا قالاي سوعىسۋ قاجەتتىگىنە ۇيرەتتى.
وسى ەكى جىلدا ولاردى تۋىستارى دا جوعالتتى. «سوعىسقا جىبەرىلگەندەرگە» ۇيلەرىنە قاشان قايتاتىندىقتارى ايتىلمادى، ولارعا حات جازۋعا، بىرەۋمەن ارالاسۋعا تىيىم سالىندى، قالا سىرتىندا تىرشىلىك ەتتى. 1949 -جىلعى ماۋسىمنان 1951 -جىلعى تامىز ارالىعىندا بوريس كونيۋشەنكو قىتايدا بولدى. وسى ۋاقىت ىشىندە ول 30 شاقتى ادامدى اسكەر ىسىنە ماشىقتاندىردى. ءۇش ۇشقىش دوسىن جوعالتتى، ولار سوعىس تاپسىرماسىنان ورالمادى. قىتاي تاريحىندا ق ح ا ا ا ا ك رەسمي تۇردە 1949 -جىلى قۇرىلا باستادى، دەمەك، ءبىزدىڭ باتىردىڭ بۇعان تىكەلەي قاتىسى بار. قىزمەت ۋاقىتىندا بوريس يۆانوۆيچتىڭ قىتاي ساربازدارى اراسىندا دوستارى دا بولدى. كەتەر الدىندا ولار ۇستازىنا قولتاڭبا قويىپ، فوتولارىن سىيلادى. ولار ءتىرى مە ەكەن؟ تاعدىرلارى قالاي قالىپتاستى؟ 87 جاستاعى بوريس قىزمەتتەن كەيىن 44 جىلدان سوڭ وسىنى بىلگىسى كەلەدى!
بۇرىننان نەگە ىزدەمەدى دەگەن سۇراق تا تۋىنداۋى مۇمكىن. بىرىنشىدەن، قۇپيالىق رەجىمى: قىتايدان كەتكەن كەزدە باتىر اسكەري قۇپيانى 50 جىل جاريالاماۋعا قولحات بەردى. ونىڭ قىتايداعى ومىرىنەن از ادام عانا حاباردار بولدى.
بوريس يۆانوۆيچكە قىتايداعى قىزمەتى جايلى بەيجىڭدە تيان انمىن مەن 1951 -جىلى اقپاندا العان مەدالى (قىتايدا حالىق- ازاتتىق اسكەرى جانىنداعى ەرەكشە اسكەردى قۇرعانى، دوستىق، كەڭەس ماماندارى قىتاي اسكەرىنە كومەك كورسەتكەنى ءۇشىن) ەسكە سالادى. №100747 كۋالىگىنە ق ح ر ورتالىق حالىق ۇكىمەتىنىڭ ريەۆوليۋتسيالىق اسكەري كوميسسياسىنىڭ ءتوراعاسى ماۋ زىدۇڭ قول قويدى.
بوريس يۆانوۆيچ بىرگە قىزمەت ەتكەن قىتايلىق مايدانداستارىنان حابارلاسۋدى وتىنەدى. ولار تۋرالى اقپارات وتاندارىنا ورالار كەزدە سىيعا بەرگەن فوتو سىرتىنداعى ەروگليفتە جاسىرىن جازىلعان بولار. بالكىم، سۋرەتتەن وزدەرىن تانىپ قالار. بوريس يۆانوۆيچ ەكىنشى قاتاردا سول جاقتا جەتىنشى بولىپ تۇر.
