ن. نازاربايەۆ پەن جاڭ دىجياڭ ەكى ەلدىڭ پارلامەنتارالىق ءوزارا ءىس- قيمىل ماسەلەلەرىن تالقىلادى
بۇل تۋرالى اقوردانىڭ باسپا ءسوز قىزمەتىنەن حابارلادى.
كەزدەسۋدە ەكى ەلدىڭ پارلامەنتارالىق ءوزارا ءىس- قيمىل ماسەلەلەرى تالقىلاندى.
مەملەكەت باسشىسى قازاقستان مەن قىتايدىڭ زاڭ شىعارۋشى ورگاندارى باسشىلارىنىڭ تۇراقتى بايلانىستارى مەملەكەتارالىق ىنتىماقتاستىقتىڭ نەگىزگى باعىتتارىن جۇزەگە اسىرۋ ءۇشىن ءتيىمدى قۇقىقتىق الاڭ قالىپتاستىرۋعا مۇمكىندىك بەرەتىنىن اتاپ ءوتتى.
«بەيجىڭگە وسى جولعى مەملەكەتارالىق ساپار اياسىندا ءبىز ەكىجاقتى قارىم- قاتىناستىڭ جاڭا كەزەڭىنە نەگىز قالادىق. سوڭعى ونجىلدىقتا ءسىزدىڭ ەل جۇرگىزگەن رەفورما جانە اشىقتىق ساياساتى قۋاتتى ەكونوميكا قۇرىپ، ق ح ر بەدەلىن بيىك دەڭگەيگە كوتەردى. بۇل ورايدا بۇكىل قىتايلىق حالىق وكىلدەرى جينالىسى ەلەۋلى رول اتقاردى» ، - دەدى نۇرسۇلتان نازاربايەۆ.
جاڭ دىجياڭ قازاقستان پرەزيدەنتىنىڭ مەملەكەتتىك ساپارىنا قىتاي تاراپى زور ءمان بەرەتىنىن ايتتى.
«قازاقستان مەن قىتاي حالقى اراسىنداعى دوستىقتى نىعايتۋ ءۇشىن ءسىزدىڭ ءاردايىم زور كۇش- جىگەر جۇمسايتىنىڭىزدى بىلەمىن. ءسىز جانە ق ح ر ءتوراعاسى شي جينپين قول قويعان جان- جاقتى ستراتەگيالىق سەرىكتەستىكتىڭ جاڭا كەزەڭى تۋرالى شارت ەكىجاقتى قارىم- قاتىناستارىمىزدى جاڭا دەڭگەيگە كوتەرەدى» ، - دەدى بۇكىل قىتايلىق حالىق وكىلدەرى جينالىسى تۇراقتى كوميتەتىنىڭ ءتوراعاسى.
