قىتايدا قور نارىعىنىڭ قۇلدىراۋى قازاقستاندىق- قىتايلىق ۋاعدالاستىقتارعا اسەر ەتپەيدى - ن. نازاربايەۆ

بۇل تۋرالى قازاقستاندىق جۋرناليستەرگە ارنالعان باسپا ءسوز كونفەرەنسياسىندا ق ر پرەزيدەنتى نۇرسۇلتان نازاربايەۆ ءمالىم ەتتى.
دايەك رەتىندە ول ق ح ر ءتوراعاسى شي جينپيڭمەن اڭگىمەلەرىنىڭ ءبىرىنىڭ مازمۇنىن كەلتىردى.
«بىرىنشىدەن، ءبىز الەمدە بولىپ جاتقان قۇبىلىستاردى باقىلاپ وتىرمىز. بۇل بىزگە اسەر ەتپەيدى (...) قىتايدىڭ قور نارىعىنا كەلەر بولساق، مۇندا ءجۇرىپ جوعارى باسشىلىقتان: «بۇل نە؟ » دەپ سۇرادىم. ماسەلەن، ءتوراعا (شي جينپيڭ - قازاقپارات تۇسىندىرمەسى): «باستاپقىدا مەن بۇعان ءمان بەرمەگەنمىن»، دەپ جاۋاپ بەرگەن» ، - دەدى ن. نازاربايەۆ.
«باتىس قور نارىقتارى جايلى ايتقاندا، وندا NASDAQ نەمەسە Dow Jones توبىنداعى عىلىمي- تەحنيكالىق كومپانيالار قاتىسادى، بۇل - ءىرى مۇناي كومپانيالارى، - دەدى ەلباسى. - ال مۇندا قور نارىعىندا جەكە كومپانيالار جۇمىس ىستەيدى. ءىرى كومپانيالار مەملەكەتكە تيەسىلى بولعاندىقتان، ولار قور نارىعىنا قاتىسپايدى. سوندىقتان اكتسيالاردىڭ جەكە يەلەرى ماڭىزدى ءرول وينامايدى. ءبىز بۇل تۋرالى بىلمەدىك. ياعني، مۇندا جاعداي باسقا. بۇدان ەش جاقسىلىق كۇتپەيمىز، الايدا، جالپى العاندا، بۇل قىتاي ەكونوميكاسىنا اسەر ەتپەيدى. ولار قور نارىعى جونىندە ماعان وسىلاي ءتۇسىندىردى»، - دەپ قوستى ەلباسى.
ەسكە سالا كەتەيىك، كەشە ن. نازاربايەۆتىڭ قىتايعا جاساعان مەملەكەتتىك ساپارى اياسىندا ق ح ر ءتوراعاسى شي جينپيڭمەن، ءۇش قىتايلىق كورپوراتسيانىڭ (CNPC، CITIC Group, Qinghua) باسشىلارىمەن كەزدەسۋلەرى ءوتىپ، 12 ەكىجاقتى قۇجاتقا قول قويىلعان بولاتىن.
ساپار 3 -قىركۇيەككە دەيىن جالعاسادى. بۇگىن ق ح ر مەملەكەتتىك كەڭەسىنىڭ پرەمەرى لي كىشياڭمەن كەزدەسۋ وتەدى. بەيسەنبى كۇنى ق ر پرەزيدەنتى قىتاي حالقىنىڭ جاپوندىق باسقىنشىلارعا قارسى كۇرەسى سوعىسىنداعى جەڭىسىنىڭ 70 جىلدىعىنا ارنالعان سالتاناتتى پارادقا قاتىسادى.