جانۋارلار الەمى: سينگاپۋردا كوشە بويىندا ەكى جىلان شايقاستى - كەسكىن

استانا. قازاقپارات - سينگاپۋردا ستۋدەنتتەر كوبرا (ءابجىلان؛ كەڭالقىمدى، ۋلى جىلان) مەن پيتوننىڭ (تروپيك جاقتا بولاتىن ۋسىز ءىرى جىلان)توبەلەسىن كەسكىنگە ءتۇسىرىپ الدى دەپ حابارلايدى nur.kz پورتالى Bnews.kz اقپارات كوزىنە سىلتەمە جاساي وتىرىپ.

جىلاندار نانيان تەحنولوگيالىق ۋنيۆەرسيتەتىنىڭ جانىندا كولىك جۇرەتىن جولدىڭ بويىندا الىسقان.

اسپيرانت ابيشەك امبەدەنىڭ ايتۋىنشا، پيتون كوبرانىڭ باسىنا ورالىپ، جارتى ساعات بويى جىبەرمەي ۇستاعان. الايدا كوبرا ۇزاق ارپالىستان كەيىن باسىن بوساتىپ الىپ، اعاشتاردىڭ اراسىنا قاشىپ قۇتىلادى.

وقيعا ورنىنا جينالعان ستۋدەنتتەر زيانكەس جانۋارلارمەن كۇرەس قىزمەتىن شاقىرعان. ماماندار پيتوندى دەرەۋ ۇستاعانىمەن، اعاش اراسىنا كىرىپ، عايىپ بولعان كوبرانى ۇزاق ۋاقىت ىزدەگەن.

قازىر ەكى جىلان دا قاۋىپسىز ورىنعا جەتكىزىلدى. ماماندار ستۋدەنتتەرگە جولدا جۇرگەندە، اسىرەسە تۇنگى ۋاقىتتا مۇقيات بولۋدى ەسكەرتتى.