استانادا مەكتەپ وقۋشىلارىن توتەنشە جاعدايلار كەزىندەگى ءجۇرىس- تۇرىس قاعيدالارىنا وقىتۋ ىلكى جوباسى ىسكە قوسىلدى - فوتو

استانا. قازاقپارات - 2015 -جىلعى 1 - قىركۇيەكتە استانا قالاسىنىڭ № 63 مەكتەبىندە باستاما العان قازاقستان رەسپۋبليكاسى ىشكى ىستەر مينيسترلىگى توتەنشە جاعدايلار كوميتەتىنىڭ، ءبىلىم جانە عىلىم مينيسترلىگى مەن ب ۇ ۇ «يۋنيسەف» بالالار قورىنىڭ مەكتەپ وقۋشىلارىنا توتەنشە جاعدايلار كەزىندەگى ءجۇرىس- تۇرىس قاعيدالارىن وقىتۋعا باعىتتالعان بىرلەسكەن جوباسى ۇسىنىلدى.
None
None

جوبانى ىسكە قوسۋعا مەكتەپتىڭ پەداگوگيكالىق ۇجىمىمەن بىرگە قازاقستان رەسپۋبليكاسى ىشكى ىستەر ءمينيسترىنىڭ ورىنباسارى ۆلاديمير بوجكو، ى. التىنسارين اتىنداعى ۇلتتىق ءبىلىم اكادەمياسىنىڭ پرەزيدەنتى جانبول جىلبايەۆ، ب ۇ ۇ «يۋنيسەف» بالالار قورىنىڭ قازاقستانداعى وكىلى يۋري وكساميتنىي قاتىستى، دەپ حابارلادى توتەنشە جاعدايلار كوميتەتىنىڭ باسپا ءسوز قىزمەتى.

جوبانىڭ باستى ماقساتى - وقۋشىلار اراسىندا وزدەرىنىڭ جەكە قاۋىپسىزدىگى مەن اينالاسىنداعىلاردىڭ قاۋىپسىزدىگىنە سانالى جانە جاۋاپتى قاتىناس قالىپتاستىرۋ، ومىرگە قاۋىپ توندىرەتىن جاعىمسىز جاعدايلاردا ءومىردى ساقتاۋ جانە زارداپ شەككەندەرگە العاشقى كومەك كورسەتۋ داعدىلارىن ۇيرەتۋ بولىپ تابىلادى.

ب ۇ ۇ «يۋنيسەف» بالالار قورىمەن بىرلەسىپ مەكتەپتە توتەنشە جاعدايلار كەزىندەگى ءجۇرىس- تۇرىس قاعيدالارىن وقىتۋ كابينەتى دايىندالدى. بۇل كابينەتتە نۇسقاۋلىقتاردىڭ، وقۋ- ادىستەمەلىك قۇرالداردىڭ، ساباقتاردى وتكىزۋگە ارنالعان وقىتۋ جانە كورنەكى قۇرالدارىنىڭ ۇزدىك ۇلگىلەرى، اۆاريالىق- قۇتقارۋ قۇرال- سايمانداردىڭ ۇلگىلەرى، جەكە قورعاۋ، ءورت ءسوندىرۋ جانە العاشقى مەديتسينالىق كومەك كورسەتۋ قۇرالدارى جينالعان.

 سونىمەن قاتار، كابينەتتە بۇل جوبانى ىسكە اسىرۋ ءۇشىن ۇگىت- ناسيحاتتاۋ، حالىققا توتەنشە جاعدايلار كەزىندەگى ءجۇرىس- تۇرىس قاعيدالارىن ۇيرەتۋ جۇمىستارىندا پايدالانىلاتىن ەڭ وزىق حالىقارالىق، ونىڭ ىشىندە ق ر ءى ءى م ت ج كوميتەتىنىڭ تاجىريبەسى جينالدى. ءىشىنارا باستاۋىش سىنىپ وقۋشىلارىنا ارنالعان وقۋلىقتار جانە ويىندار جينالعان. بۇل وقۋ ماتەريالداردىڭ مازمۇنى، ساباقتاردى وتكىزۋ تۇرلەرى مەن ادىستەمەلەرى تابيعي جانە تەحنوگەندىك سيپاتتاعى توتەنشە جاعدايلاردىڭ تۇرلەرى، ولاردىڭ الدىن الۋ ادىستەرى تۋرالى مالىمەت الۋعا مۇمكىندىك بەرەدى.

 وقۋشىلار ءورت ءسوندىرۋدىڭ باستاپقى قۇرالدارىمەن پايدالانۋعا، ءورت شىققان جاعدايدا العاشقى ءىس- قيمىلدارعا، جەكە قورعاۋ قۇرالدارىمەن، قار قۇرساۋى جانە جەر سىلكىنىسى كەزىندەگى قاۋىپسىزدىك شارالارىنا، العاشقى مەديتسينالىق كومەك كورسەتۋ جانە دە باسقا ماڭىزدى تاقىرىپتار بويىنشا ءبىلىم الاتىن بولادى.

 توتەنشە جاعدايلاردىڭ الدىن الۋ بويىنشا تەوريالىق جانە پراكتيكالىق ساباقتاردى مۇعالىمدەرمەن بىرگە ق ر ءى ءى م توتەنشە جاعدايلار كوميتەتىنىڭ ماماندارى دا وتكىزەدى دەپ جوسپارلانۋدا. بولاشاقتا بۇل تاجىريبە ەلىمىزدىڭ وڭىرلەرىنە تارالاتىن بولادى. 


9

3

6

5
4

2 

سوڭعى جاڭالىقتار