مەتاللۋرگياداعى داعدارىس - حالىقارالىق دەڭگەيدەگى قۇبىلىس

استانا. قازاقپارات - مەتاللۋرگيا سالاسىنىڭ داعدارىس - حالىقارالىق دەڭگەيدە اياقتالماي وتىرعان قۇبىلىس.
None
None

 بۇل تۋرالى ورتالىق كوممۋنيكاتسيالار قىزمەتىندە وتكەن بريفينگ بارىسىندا جۋرناليستەردىڭ سۇراعىنا جاۋاپ بەرە وتىرىپ، تاۋ- كەن جانە تاۋ- مەتاللۋرگيا كاسىپورىندارى رەسپۋبليكالىق قاۋىمداستىعىنىڭ اتقارۋشى ديرەكتورى نيكولاي رادوستوۆتسيەۆ ايتىپ بەردى.

«مەتاللۋرگيا سالاسىندا كوڭىل كونشىتەتىن بولجام كورىنبەي وتىر. 2014 - جىلى وسى سالادا تومەنگە قۇلديلاعان باعا 2015 - جىلى وسەدى دەپ بولجانعان ەدى.  ءبىراق، شىن مانىندە  مەتاللۋرگيا سالاسىنداعى داعدارىس قازاقستاندا عانا ەمەس، حالىقارالىق دەڭگەيدە ورىن الىپ وتىرعان قۇبىلىس. بۇكىل جەردە باعا ءتۇسىپ جاتىر، حالىقارالىق ساراپشىلاردىڭ بولجاۋىنشا، قالاي بولعاندا دا 2015-2017 - جىلدارى قۋانتارلىق وزگەرىس بولا قويمايدى»، - دەگەن ول بۇل رەتتە ۇكىمەتتىڭ قولداۋى اسا قاجەت ەكەنىن اتاپ ءوتتى.

«ەگەر ءبىز قازىر قورلاردى پايدالانباساق، ۇكىمەتتەن قولداۋ تاپپاساق،   ءبىرقاتار وندىرىستەر مۇلدە باسەكەگە قابىلەتسىز بولىپ قالادى. سەبەبى، مىسالى، قازىردىڭ وزىندە جەنتەكتىڭ باعاسى ءوز قۇنىنان ارزانعا ساتىلىپ جاتىر. ونى اپارىپ قىتايعا  تاسىمالداي المايتىنىمىز انىق. سوندىقتان، باعانى تۇسىرۋگە ءماجبۇرمىز. باعانى ءتۇسىرۋ - بۇكىل قۇرامداس ءونىمنىڭ باعاسىن ءتۇسىرۋ دەگەن ءسوز جانە سىزدەرگە بىردەن ايتايىن، بۇل - وتە ۇزاق ءارى قيىن ۇدەرىس.

الەمدىك ەكونوميكا  سيكل بويىنشا داميدى، سوندىقتان ءبىز داعدارىستان شىعاتىنىمىزعا سەنەمىن. ءبىراق، بۇل سالادا شامامەن 2018-2019 -جىلدارى ورلەۋ بايقالادى دەگەن ويدامىن»، - دەپ ءتۇسىندىردى ن. رادوستوۆتسيەۆ.

سوڭعى جاڭالىقتار