ن. نازاربايەۆتىڭ بەيجىڭگە ساپارى «نۇرلى جول» مەن «جىبەك جولى ەكونوميكالىق بەلدەۋىنىڭ» ءتۇيىسۋ فازاسىنا كوشكەنىن بىلدىرەدى - ءا. يسەكەشەۆ

بەيجىڭ. قازاقپارات - ق ر ينۆەستيتسيالار جانە دامۋ ءمينيسترى اسەت يسەكەشەۆ قازاقستاندىق جۋرناليستەرگە ق ر پرەزيدەنتىنىڭ ق ح ر- عا مەملەكەتتىك ساپارىنىڭ ماڭىزى جانە ەكى ەلدىڭ ستراتەگيالىق باعدارلامالارىنىڭ ءتۇيىسۋ باعىتتارى تۋرالى باياندادى.
None
None

 «مەملەكەت باسشىسىنىڭ ساپارى «نۇرلى جول» مەن «جىبەك جولى ەكونوميكالىق بەلدەۋىنىڭ» ءتۇيىسۋ فازاسىنا كوشكەنىن بىلدىرەدى»، - دەدى ول ق ح ر- ءدىڭ «دياويۋيتاي» مەملەكەتتىك رەزيدەنسياسىندا ق ر پرەزيدەنتى نۇرسۇلتان نازاربايەۆپەن قىتاي كورپوراتسيالارى باسشىلارىنىڭ كەزدەسۋىنەن كەيىن.

 ونىڭ ايتۋىنشا، اڭگىمە ءۇش باعىتتى قامتىپ وتىر. «ءبىرىنشى كەزەڭدە نەگىزىنەن ەكى باعىت ىسكە اسىرىلادى: ترانزيتتى- كولىكتىك ءدالىزدىڭ دامۋى جانە جاڭا قازاقستاندىق- قىتايلىق يندۋستريالىق باعدارلاما»، - دەپ ءتۇسىندىردى ءا. يسەكەشەۆ.

«كولىكتىك ءدالىز بويىنشا بىرنەشە جوبالار جۇزەگە اسقالى وتىر: كولىك جولدارىنىڭ جانە كولىكتىك- لوگيستيكالىق ورتالىقتاردىڭ قۇرىلىسى. بۇل قازاقستان ءۇشىن ۇلكەن جاڭا سالا، جانە بۇل جەردە قىتايمەن ىنتىماقتاستىق ماڭىزدى ورىنعا يە»، - دەپ اتاپ ءوتتى مينيستر.

 ەكىنشى باعىت بولىپ بىرىككەن يندۋستريالىق جوبالار تانىلادى. «بۇل يندۋستريالاندىرۋدىڭ ەكىنشى بەس جىلدىعىنداعى جۇكتەمەلەر مەن باسىمدىقتارعا سايكەس كەلەدى. بىزدەگى جوبالاردىڭ ءبىرىنشى توبى 45 كە جۋىق، ونىڭ ىشىندە 24 ىمەن بۇگىن 20 ميلليارد دوللار سوماسىنا كەلىسىم جاساۋ جوسپارلانىپ وتىر»، - دەدى ول.

ءا. يسەكەشەۆ ەكىنشى بەسجىلدىق باسىمدىعى مەتاللۋرگيا، حيميا، تىڭايتقىش ءوندىرىسى، ماشينا جاساۋ، كولىك، لوگيستيكا جانە باسقا سالالار ەكەنىن ەسكە سالدى. قازاقستاننىڭ بارلىق ايماعىندا جاڭا ءوندىرىس وشاقتارى قۇرىلاتىن بولادى. «ءبىر بولىگى 2015 - جىلى، ءبىراق نەگىزگى بولىگى قۇرىلىستى 2016-2017 -جىلداردا باستاپ، 2018-2019 - جىلدارى اياقتالادى. ون مىڭداعان جاڭا جۇمىس ورنى اشىلاتىن بولادى»، - دەپ حابارلادى.

مينيستر ءۇشىنشى باسىمدىقتى باعىت رەتىندە عىلىمي قامتىمدى سالالار مەن جوعارى تەحنولوگيالار سەكتورىنداعى ىنتىماقتاستىقتى اتادى. «بۇل جەردە ءبىز ءبىر- ەكى باعىتتا ىرىكتەۋ ماسەلەسىن تالقىلايمىز. ولار بويىنشا عىلىمي ينستيتۋتتار مەن جوعارى وقۋ ورىندارى دەڭگەيىندە، سونىمەن قاتار بىرلەسكەن جاڭا وندىرىستەر قۇرۋ سالاسىندا كووپەراتسيالار جۇرگىزەتىن بولامىز. بۇل ەڭ جوعارى ەكولوگيالىق تالاپتارعا ساي بولادى. بۇل ەڭ جاڭا قۇرال- جابدىقتار مەن قوسىلعان قۇنى جوعارى ونىمدەر بولماق. سوندىقتان بۇل ساپاردان زور ناتيجە كۇتەمىز، كەلىسسوزدەر تابىستى جۇرگىزىلۋدە»، - دەدى ءا. يسەكەشيەۆ.

ەستەرىڭىزگە سالا كەتەيىك، ن. نازاربايەۆتىڭ قىتايعا مەملەكەتتىك ساپارى 3 - قىركۇيەككە دەيىن جالعاسادى. بەيسەنبى كۇنى ەلباسى قىتاي حالقىنىڭ جاپون باسقىنشىلارىنا قارسى سوعىستاعى جەڭىسىنىڭ 70 جىلدىعىنا ارنالعان سالتاناتتى پارادقا قاتىسادى.

 اۆتور: مارلان جيەمباي

سوڭعى جاڭالىقتار