قازاقستان پرەزيدەنتىنىڭ ءبىرىنشى سىنىپ وقۋشىلارىنا سىيلىعى- فوتو

   استانا. قازاقپارات - 1 - قىركۇيەك -  ءبىلىم كۇنى بارلىق قازاقستاندىق ءبىرىنشى سىنىپ وقۋشىلارىنا ق ر پرەزيدەنتى نۇرسۇلتان نازاربايەۆتىڭ اتىنان سىيلىق - «مەنىڭ وتانىم -  قازاقستان» كىتابىن تاپسىرادى.
None
None

 «قىمباتتى جاس دوس! سەن جاڭا بەلەسكە قادام باستىڭ - مەكتەپكە كەلدىڭ، وقۋشى بولدىڭ!

بۇل سەن ءۇشىن ۇلكەن مەرەكە. ال مەرەكەدە سىيلىق بەرىلەدى. بۇل كىتاپ - مەنىڭ ساعان جاساعان سىيلىعىم!

 مەكتەپتە سەنى قىزىقتى جاڭالىقتار مەن عاجايىپ ۋاقيعالار كۇتىپ وتىر.

 قازاقستان -  ءبىزدىڭ وتانىمىز. ءوز وتانىڭنىڭ تاريحى مەن مادەنيەتىن، انا ءتىلىڭدى ءبىلۋىڭ كەرەك. بۇعان العاشقى ۇستازىڭ مەن وقۋلىقتارىڭ، وسى كىتابىڭ كومەكتەسەدى.

 قازاقستاننىڭ بولاشاعى جارقىن. ەلىمىزدە تاتۋلىق، بەرەكە بولادى. بۇعان دوستارىڭمەن بىرگە سەن دە ءوز ۇلەسىڭدى قوساسىڭ. ءبىلىم الەمىنە ساياحاتىڭ ءساتتى بولسىن!» ، - دەلىنگەن مەملەكەت باسشىسىنىڭ ءبىلىم شاڭىراعىنىڭ ەسىگىن اشقالى وتىرعان وقۋشىلارعا جولداۋىندا.

 اسا كوركەم سۋرەتتەرمەن بەزەندىرىلگەن كىتاپتا قازاقستان رەسپۋبليكاسىنىڭ مەملەكەتتىك رامىزدەرى، «ماڭگىلىك ەل» ۇلتتىق باعدارلاماسى جونىندە ايتىلادى. مەكتەپ ەسىگىن اشقالى وتىرعان بالدىرعاندارعا قازاقستانننىڭ كارتاسى، ەلوردامىز -  استانا، الماتى قالاسى جانە ءار ايماق تۋرالى جەكە بەتتەر ۇسىنىلىپ وتىر.

 سونداي- اق شىعارمادان ءبىرىنشى سىنىپ وقۋشىلارى قازاقستاننىڭ تابيعاتى مەن كليماتى، ءبىزدىڭ رەسپۋبليكامىزدىڭ اسەم وڭىرلەرى جايلى جان- جاقتى بىلەتىن بولادى.

 قازاقستاننىڭ ماقتانىشى -  بايقوڭىر كەشەنىنە ارنايى بەت بەرىلگەن.

بولەك ءبولىم قازاق حاندىعىنىڭ 550 -جىلدىعىنا جانە قازاق حالقىنىڭ اعارتۋشىلارىنا ارنالىپ وتىر.

 كىتاپ تارالىمى - 370 مىڭ دانا.

 ەسكە سالا كەتسەك، ق ر ءبىىم جانە عىلىم مينيسترلىگىنىڭ اقپاراتىنشا، 1 قىركۇيەكتە 336 مىڭ ءبىرىنشى سىنىپ وقۋشىلارى مەكتەپ پارتاسىنا وتىرادى. 















































































سوڭعى جاڭالىقتار