12:58, 30 - تامىز 2015 | GMT +5
الماتىدا پوليتسيا قىزمەتكەرلەرى اراسىندا تابەلدىك قارۋدان وق اتۋ بويىنشا جارىس ءوتتى
الماتى. قازاقپارات- الماتىدا پوليتسيا قىزمەتكەرلەرى اراسىندا تابەلدىك قارۋدان وق اتۋ بويىنشا باسەكە ءوتتى. بۇل قازاقستان كونستيتۋتسياسىنىڭ 20 جىلدىعىنا ارنالدى، - دەپ حابارلادى الماتى ق. ءى ءى د باسپا ءسوز قىزمەتىنەن.

سپورتتىق جارىسقا الماتى قالالىق پوليتسيا گارنيزونىنىن قىزمەتتەرى مەن بولىمشەلەرىنىڭ قىزمەتكەرلەرى قاتىستى.
«اتىس قارۋىنان وق اتۋ بويىنشا جارىستا 19 كوماندا باق سىناستى. قاتىسۋشىلار الدىنا بەلگىلى ءبىر ۋاقىتتا پ م-1 تاپانشاسىمەن ءۇش سىنامالىق جانە 10 ەسەپتىك وقۋ اتۋ مىندەتى قويىلدى. سونىمەن قاتار، تابەلدىك قارۋمەن بەلگىلى ءبىر ۋاقىت ىشىندە شاپشاڭ وق اتۋ جاتتىعۋى دا جاسالدى. جارىس قورىتىندىسى بويىنشا شۇعىل دەن قويۋ ارنايى جاساعىنىڭ كومانداسى جەڭىمپاز اتاندى. ەكىنشى ورىن ايداۋىلدىق قىزمەت باتالونىنىڭ وكىلدەرىنە بۇيىردى. ال جول- پاترۋلدىك پوليتسيا پولكىنىڭ كومانداسى ءۇشىنشى ورىنعا يە بولدى»، - دەدى الماتى ق. ءى ءى د كادرلىق جۇمىس باسقارماسىنىڭ باستىعى، پوليتسيا پولكوۆنيگى وراز جاندوسوۆ.
اۆتور: جاپپاربەرگەن ايبوتا