15:22, 29 - تامىز 2015 | GMT +5
ق ر پرەزيدەنتى عارىشكەر ا. ايىمبەتوۆكە ح ع س- تاعى ەكسپەديتسياسىن ءساتتى جۇزەگە اسىرۋدى تىلەدى
استانا. قازاقپارات - بۇگىن ەلباسى نۇرسۇلتان نازاربايەۆ عارىشكەر- سىناقشى ايدىن ايىمبەتوۆپەن تەلەفون ارقىلى سويلەستى، دەپ حابارلايدى اقوردانىڭ باسپا ءسوز قىزمەتى.

نۇرسۇلتان نازاربايەۆ اڭگىمە بارىسىندا ا. ايىمبەتوۆتىڭ الداعى عارىشقا ساپارى وتاندىق عارىش سالاسىنىڭ ودان ءارى دامۋىنا سەرپىن بەرەتىن جانە قازاقستاننىڭ حالىقارالىق ارەناداعى ءيميدجىن نىعايتۋعا قىزمەت ەتەتىن ايشىقتى وقيعا ەكەنىن اتاپ ءوتتى.
ا. ايىمبەتوۆ سەنىم بىلدىرگەنى ءۇشىن مەملەكەت باسشىسىنا العىس ايتتى جانە ۇشۋعا دايىن ەكەنىن مالىمدەدى.
سوڭىندا قازاقستان پرەزيدەنتى عارىشكەردىڭ حالىقارالىق عارىش ستانساسىنا ەكسپەديتسياسى تابىستى بولۋىنا جانە ونىڭ الدىنا قويىلعان بارلىق مىندەتتىڭ ورىندالۋىنا تىلەكتەستىگىن ءبىلدىردى.