ليمون قوسىلعان سۋ ءتۇرلى اۋرۋدىڭ الدىن الادى

نۇر-سۇلتان. قازاقپارات - ديەتولوگ- ماماندار تازا سۋعا ليمون ءتىلىمىن قوسىپ ىشۋگە كەڭەس بەرەدى.

ول اعزانىڭ دۇرىس جۇمىس جاساۋىنا ءارى بەت تەرىسىن جاقسارتۋعا سەپتىگىن تيگىزەدى.

ليمون تىلىمدەرى قوسىلعان سۋدى ديەتولوگتار «دەنساۋلىق سۋسىنى» دەپ اتايدى. ماماندار بۇل سۋسىندى كۇندەلىكتى تۇتىنۋ يممۋنيتەتتى عانا جاقسارتىپ قويماي، ۇمىتشاقتىق اۋرۋدان، انەميا سىندى دەرتتەردەن دەر كەزىندە ارىلۋعا كومەكتەسەتىنىن انىقتادى.

ليمون قوسىلعان قايناتىلعان جىلى سۋ باۋىر، ءوت، بۇيرەك اۋرۋلارىنىڭ الدىن الۋعا ىقپال ەتەدى. ءوت جولىندا تاستاردىڭ جينالماۋىنا سەپتىگىن تيگىزەدى. اعزانى زياندى قالدىقتاردان ارىلتادى. ول قان قۇرامىنداعى توكسيندەردى جويىپ، تەرىدەگى پيگمەنتتى داقتار مەن بەزەۋ، سەكپىل، ءاجىمنىڭ تۇسۋىنە جول بەرمەيدى. سونداي- اق، ليمون قۇرامىنداعى ماگني، كالي مەن س دارۋمەنى مي، جۇرەك جانە جۇيكە جۇيەسى جۇمىسىن جاقسارتىپ قويماي، قان قىسىمىن ءبىر قالىپقا كەلتىرۋگە كومەكتەسەدى.

كۇندەلىكتى تاڭەرتەڭ اش قارىنعا قابىلدانعان ليمون قوسىلعان سۋ جۇيكە جۇيەسىنىڭ جۇمىسىن ءبىر قالىپقا كەلتىرىپ قويماي، بويعا كۇش- قۋات پەن سەرگەكتىك سىيلايدى. سترەسس، كۇيزەلىس، كوڭىلسىزدىكتىڭ بولماۋىنا ىقپال ەتەدى. جازدىڭ اپتاپ ىستىق كۇندەرى بۇل شىرىن شولدەن قۇتقارسا، قىستىڭ كۇنى جانعا جىلۋلىق پەن كۇش سىيلايتىن قاسيەتكە يە.

ول ءۇشىن قايناعان 1 ليتر ىستىق سۋعا ليمون تىلىمدەرىن سالىپ قويىڭىز. سۋىعان كەزدە از مولشەردەن قابىلداي باستاڭىز. كەيىن قابىلداۋ مەرزىمىن جيىلەتەڭىز. سونداي-اق، قالاۋىڭىز بويىنشا، بۇل شىرىنعا 1 شاي قاسىق بال نەمەسە جالبىز جاپىراعىن قوسۋعا بولادى.

islam.kz