قازاقستان جاھاندىق ءارى وڭىرلىك قاۋىپسىزدىكتى كۇشەيتۋ جولىندا ءوزىنىڭ كەزەكتى قوماقتى ۇلەسىن قوستى - اپتالىق شولۋ

شاراعا ق ر پارلامەنتىنىڭ دەپۋتاتتارى، ق ر كونستيتۋتسيالىق كەڭەسىنىڭ مۇشەلەرى، ورتالىق مەملەكەتتىك ورگانداردىڭ وكىلدەرى، حالىقارالىق ۇيىمداردىڭ دەلەگاتسيالارى، ياعني ە ق ى ۇ، ە ا ە و سوتى، ب ۇ ۇ، ەۋروپا كەڭەسىنىڭ ۆەنەتسيا كوميسسياسى جانە باسقا دا ۇيىمداردىڭ وكىلدەرى قاتىستى. سونىمەن قاتار كونفەرەنتسياعا 28 ەلدىڭ قۇقىق قورعاۋ مەكەمەلەرى مەن پروكۋراتۋرالارىنىڭ، سوتتارىنىڭ، كونستيتۋتسيالىق باقىلاۋ ورگاندارىنىڭ باسشىلارى، وتاندىق جانە شەتەلدىك تانىمال زاڭگەر- عالىمدار شاقىرىلدى.
«قىمباتتى وتانداستار، قادىرلى كونفەرەنتسياعا قاتىسۋشىلار، ءبىزدىڭ ەلىمىزدىڭ قوناقتارى! بارشالارىڭىزعا قازاقستانعا قوش كەلدىڭىزدەر دەيمىن. بۇگىن قازاقستان ءۇشىن - وتە ۇلى كۇن. سوندىقتان بارشاڭىزدى مەملەكەتىمىزدىڭ بەرىك ىرگەتاسى كونستيتۋتسيامىزدىڭ 20 جىلدىق مەرەكەسىمەن شىن جۇرەگىممەن قۇتتىقتايمىن. 30 -تامىز قازاقستان حالقى ءبىرتۇتاس تاڭداۋ جاساعان ۇلى بەتبۇرىس كۇنى بولىپ ەسەپتەلەدى. ءبىز وسىدان 20 جىل بۇرىن بۇكىلحالىقتىق رەفەرەندۋمدا اتا زاڭىمىزدى قابىلدادىق. ەسكى مەن جاڭا توقايلاسقان الماعايىپ كەزەڭدە حالقىمىز بارشا الەمگە بىرلىگى مەن دانالىعىن كورسەتتى»، - دەدى ەلباسى ءوز سوزىندە. مەملەكەت باسشىسى وسىدان 20 جىل بۇرىن جاڭا قازاقستاننىڭ، جاڭا زاماننىڭ تالاپتارىنا ساي كەلەتىن كونستيتۋتسيانىڭ ءماتىنىن بەكىتكەنىمىزدى اتاپ ءوتتى.
«ءبىز ورتاق تاعدىر بىرىكتىرگەن قازاقستان حالقى دەپ باستالاتىن اتا زاڭىمىزدىڭ بويىنا ەلىمىزدىڭ ەڭ باستى قۇندىلىقتارىن تۇگەل سىيعىزا بىلدىك. مەن كونستيتۋتسيانىڭ ءبىر جىلدىعىنا ارنالعان سالتاناتتى جيىندا «ءبىز زاڭ اياسىندا ءومىر سۇرۋگە ۇيرەنۋىمىز كەرەك» دەپ ايتقانمىن. اتا زاڭىمىزبەن ءجۇرىپ وتكەن 20 جىلعا كوز سالا وتىرىپ، بۇگىن ءبىز زاڭ اياسىندا ءومىر سۇرەتىن ەلمىز دەپ ماقتانىشپەن ايتا الامىز»، - دەدى ق ر پرەزيدەنتى.
ن. نازاربايەۆ نەگىزگى زاڭدا تابىستى دامۋدىڭ بارلىق قۇقىقتىق تەتىكتەرى قامتىلعانىن قاداپ ايتتى. ء«بىزدىڭ كونستيتۋتسياداعى قاعيدالاردى ۇستانا وتىرىپ، ەكى ونجىلدىقتىڭ اياسىندا عانا ۇلى جولدى ەڭسەرىپ وتتىك. بۇگىندە قازاقستان قالىپتاسقان، وركەنيەتتى مەملەكەت. بۇل ءبىزدىڭ اتا زاڭداعى بارشا قاعيدالار مەن ۇستانىمداردىڭ ءىس جۇزىندە ناقتى جۇزەگە اسۋىنىڭ كورىنىسى. مەملەكەتتىك جانە قوعامدىق قۇرىلىس جاقسىعا قاراي وزگەرۋگە قاۋقارلى بولسا عانا ءتيىمدى بولادى. ءبىزدىڭ نەگىزگى زاڭدا تابىستى دامۋدىڭ بارلىق قۇقىقتىق تەتىكتەرى قامتىلعان»، - دەدى پرەزيدەنت.
قازاقستان مەن پاكىستان قارىم- قاتىناستىڭ جاڭا پاراقتارىن اشادى
وسى اپتادا ەلباسى نۇرسۇلتان نازاربايەۆ قازاقستانعا رەسمي ساپارمەن كەلگەن پاكىستان يسلام رەسپۋبليكاسىنىڭ پرەمەر- ءمينيسترى ناۆاز شاريفپەن كەزدەستى. كەزدەسۋدە ساۋدا- ەكونوميكالىق، كولىك- ترانزيتتىك، عىلىمي- تەحنيكالىق جانە مادەني- گۋمانيتارلىق سالالارداعى ەكىجاقتى ىنتىماقتاستىقتى نىعايتۋ ماسەلەلەرى تالقىلاندى. سونىمەن قاتار حالىقارالىق كۇن تارتىبىندەگى وزەكتى جايتتار ءسوز بولدى.
قازاقستان پرەزيدەنتى پاكىستاننىڭ جۇيەلى دامۋىنداعى ن. ءشاريفتىڭ اتقارعان ءرولىن اتاپ كورسەتتى. ن. شاريف نۇرسۇلتان نازاربايەۆقا شاقىرتۋى ءۇشىن العىس ايتىپ، ەكى حالىقتىڭ بايلانىستارىنىڭ سان عاسىرلىق تاريحى بار ەكەنىن اتاپ ءوتتى.
«قۇرمەتتى پرەمەر- مينيستر مىرزا، سىزگە جانە ءسىز ارقىلى پاكىستاندىق دەلەگاتسياعا قازاقستانعا قوش كەلدىڭىزدەر دەيمىز. ءسىزدىڭ ساپارىڭىز بىزدەردىڭ سوناۋ 1992 -جىلى كەزدەسۋىمىزدە نەگىزى قالانعان قارىم- قاتىناستارىمىزدىڭ جاندانۋىنا تىڭ سەرپىن بەرەرىنە سەنىمدىمىن»، - دەدى ن. نازاربايەۆ.
ەلباسى ءوز سوزىندە پاكىستان ۇكىمەتى باسشىسىمەن اراداعى سول كەزدەسۋ ءالى ەسىندە ەكەندىگىن جانە قازاقستاندىقتاردىڭ ءوز تاۋەلسىزدىگىن پاكىستاننىڭ الەم ەلدەرىنىڭ الدىڭعى قاتارىندا مويىنداپ، قولداۋ بىلدىرگەنىن ەستەن شىعارمايتىندىعىن اتاپ ءوتتى. سونىمەن قاتار مەملەكەت باسشىسى قازاقستان مەن پاكىستاننىڭ حالىقارالىق كۇن تارتىبىندەگى ۇستانىمدارى ۇقساس ەكەندىگىن، عاسىرلارعا سوزىلعان دوستىق، مادەني بايلانىستار ەكى مەملەكەتتى باۋىرلاس ەلگە اينالدىرا تۇسەتىندىگىن باسا ايتتى. «قازىرگى شىنايى جاعدايدا ءبىزدىڭ قارىم- قاتىناستاردىڭ جاڭا پاراقتارىن اشۋ ءساتى كەلىپ تۇر. ءسىزدىڭ بۇل ساپارىڭىز قارىم- قاتىناستىڭ ءدال وسى باعىتتا دامۋىنا سەپتىگىن تيگىزەرىنە سەنىمدىمىن»، - دەدى ەلباسى.
قازاقستان پرەزيدەنتى ن. نازاربايەۆ پەن پاكىستان پرەمەر- ءمينيسترى ن. شاريف كەلىسسوزدەردىڭ قورىتىندىسى بويىنشا بىرلەسكەن باسپا ءسوز بريفينگىن وتكىزدى.
«قازاقستاننىڭ «نۇرلى جول» باعدارلاماسى مەن قىتايدىڭ «جىبەك جولىنىڭ ەكونوميكالىق بەلدەۋى» جانە قاراقورىم جولى مەملەكەتتەر اراسىنداعى ىنتىماقتاستىقتى جانداندىرۋعا سەپتىگىن تيگىزەدى دەپ سانايمىن. سونىمەن بىرگە قازاقستان- تۇرىكمەنستان- يران تەمىرجولى پاكىستاننىڭ تەڭىز پورتتارىنا شىعۋعا جول اشادى. وسى كولىك بايلانىستارى بىزگە ساۋدا جانە ەكونوميكالىق قارىم- قاتىناستاردى جاقسارتۋعا مۇمكىندىك بەرەدى»، - دەدى قازاقستان پرەزيدەنتى.
ن. نازاربايەۆ ونەركاسىپكە، فارماتسيەۆتيكاعا، ەنەرگەتيكاعا، اسكەري- تەحنيكالىق سالاعا، عىلىمعا جانە باسقا دا ماڭىزدى باعىتتارعا قاتىستى قازاقستان مەن پاكىستاننىڭ ناقتى قادامدارى تۋرالى ۋاعدالاستىققا قول جەتكىزىلگەنىن ايتتى. قازاقستان پرەزيدەنتى اۋىل شارۋاشىلىعى ونىمدەرىن وڭدەۋ، حيميا جانە جەڭىل ونەركاسىپ، بانك سەكتورى سياقتى سالالاردا ىنتىماقتاستىقتى جولعا قويۋ ماقساتىندا ىسكەرلىك كەڭەس قۇرىلعانىنا دا توقتالىپ ءوتتى.
قازاقستان مەن سەربيا حالىقارالىق اۆتوموبيل قاتىناسى تۋرالى كەلىسىمگە كەلدى
وسى اپتادا سونىمەن قاتار اقوردادا ەلىمىزگە تۇڭعىش رەسمي ساپارمەن كەلگەن سەربيا پرەزيدەنتى توميسلاۆ نيكوليچ پەن ەلباسى نۇرسۇلتان نازاربايەۆ شاعىن جانە كەڭەيتىلگەن قۇرامداعى كەلىسسوزدەر وتكىزدى. بىرلەسكەن مالىمدەمەدە سەربيا تاراپى جاقسى قارىم- قاتىناستى اسىرەسە ەكونوميكالىق تۇرعىدا دامىتا ءتۇسۋدى قولدايتىنىن اتاپ ءوتتى.
«سەربيا جاقسى قارىم- قاتىناستى اسىرەسە ەكونوميكالىق تۇرعىدا دامىتا ءتۇسۋدى قولدايدى. قازاقستان تاراپىنىڭ بەلگرادتا رەسمي تۇردە ەلشىلىك اشقانىنا قۋانىشتىمىز، - دەدى ت. نيكوليچ.
«ءبىز سونىمەن قاتار ساۋدا- ەكونوميكالىق ىنتىماقتاستىق جونىندەگى ۇكىمەتارالىق كوميسسيانىڭ وتىرىسىن تەزىرەك وتكىزۋ جايىن سويلەستىك. سەربيا ءۇشىن ەۋرازيالىق وداققا Fiat كولىكتەرىن ەكسپورتقا شىعارۋ وتە ماڭىزدى. ەنەرگەتيكا، قۇرىلىس، اۋىل شارۋاشىلىعى سالالارىنداعى ىنتىماقتاستىعىمىزدى دامىتۋ ماڭىزدى بولىپ وتىر»، - دەدى مارتەبەلى مەيمان.
اتاپ ايتقاندا، اقوردادا قازاقستان مەن سەربيا حالىقارالىق اۆتوموبيل قاتىناسى تۋرالى كەلىسىمگە كەلدى. قازاقستان رەسپۋبليكاسى ۇكىمەتى مەن سەربيا ۇكىمەتى اراسىنداعى حالىقارالىق اۆتوموبيل قاتىناسى تۋرالى كەلىسىمگە ق ر ينۆەستيتسيالار جانە دامۋ ءمينيسترى اسەت يسەكەشيەۆ پەن سەربيا ەكونوميكا ءمينيسترى جەلكو سەرتيچ قول قويدى. ال ق ر ۇكىمەتى مەن سەربيا ۇكىمەتى اراسىنداعى تابىس پەن كاپيتالعا سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى كونۆەنتسيانى ەلىمىزدىڭ سەربياداعى توتەنشە جانە وكىلەتتى ەلشىسى نۇرباح رۇستەموۆ پەن سەربيا ەكونوميكا ءمينيسترى جەلكو سەرتيچ راسىمدەدى.
ەلباسىنىڭ سوزىنە قاراعاندا، سەربيامەن اۋىل شارۋاشىلىعى، فارماتسيەۆتيكا، دەنساۋلىق ساقتاۋ، قۇرىلىس، وڭدەۋ ونەركاسىبى سالالارىنداعى قارىم- قاتىناستى جانداندىرۋعا بولادى. «سەربيا پرەزيدەنتى توميسلاۆ نيكوليچ مىرزا مەنىڭ شاقىرۋىممەن رەسمي ساپارمەن قازاقستانعا تۇڭعىش رەت كەلىپ وتىر. ءبىز ەلىمىزدىڭ اتىنان ءساتتى ساپار تىلەيمىز»، - دەدى ەلباسى.
مەملەكەت باسشىسى سەربيا پرەزيدەنتىنىڭ بۇل ساپارى ەكى ەلدىڭ اراسىنداعى ەكونوميكالىق، ساياسي قارىم- قاتىناستىڭ مۇنان ارى جاندانۋىنا اسەرىن تيگىزەدى دەپ سانايتىندىعىن باسا اتاپ ءوتتى. «سەربيا مەملەكەتىمەن كوپتەن بەرى قازاقستاننىڭ قارىم- قاتىناسى بار. ءبىراق، قازىرگى جاعدايدا ساۋدا- ساتتىق تومەندەپ تۇر. ەۋروپاداعى ماڭىزدى ەلدەردىڭ بىرەۋى بولىپ سانالاتىن سەربيا مەملەكەتىمەن ءبىزدىڭ قارىم- قاتىناسىمىزدى اۋىل شارۋاشىلىعى، فارماتسيەۆتيكا، دەنساۋلىق ساقتاۋ، قۇرىلىس، وڭدەۋ ونەركاسىبى، كولىك- كوممۋنيكاتسيا سالالارىندا جانداندىرۋعا بولادى»، - دەدى ق ر پرەزيدەنتى.
ەلباسى، سونىمەن قاتار، ەكى ەلدىڭ اراسىندا جاڭادان ەلشىلىك قۇرىلىپ، استانا مەن بەلگراد قالالارىندا ورنالاسقانىن ەسكە سالدى.
ق ر ۇكىمەتى مەن ماگاتە اراسىندا كەلىسىمگە قول قويىلدى
ءوتىپ بارا جاتقان بۇل اپتاداعى ماڭىزدى وقيعالاردىڭ ءبىرى استانادا قازاقستان ۇكىمەتى مەن اتوم ەنەرگەتيكاسى جونىندەگى حالىقارالىق اگەنتتىكتىڭ (ماگاتە) ەلىمىزدىڭ اۋماعىندا تومەن بايىتىلعان ۋران بانكىن قۇرۋ تۋرالى كەلىسىمدى بەكىتۋىنە بايلانىستى بولدى. اتاپ ايقاندا، بانك ش ق و- داعى ءۇلبى مەتاللۋرگيالىق زاۋىتىنىڭ اۋماعىندا ورنالاسادى. وندا اتوم ەنەرگەتيكاسىنىڭ قاجەتتىلىگى ءۇشىن پايدالانىلاتىن تومەن بايىتىلعان ۋران ساقتالادى. قول قويۋ راسىمىنە ۇلىبريتانيا، اقش، قىتاي، فرانتسيا، رەسەي وكىلدەرى، سونداي- اق وسى جوبانىڭ دونور ەلدەرى بولىپ تابىلاتىن ەۋروپا وداعى، كۋۆەيت، ب ا ءا وكىلدەرى قاتىستى.
قول قويۋ راسىمىنەن كەيىنگى سوزىندە ق ر سىرتقى ىستەر ءمينيسترى ەرلان ىدىرىسوۆ قازاقستانداعى تومەن بايىتىلعان ۋران بانكى جاھاندىق يادرولىق قاۋىپسىزدىكتى نىعايتۋدا اۋقىمدى ۇلەس قوساتىندىعىن باسا ايتتى. «ءبىز جاڭا عانا الەمدىك اۋقىمداعى وقيعاعا كۋاگەر بولدىق، سەبەبى بانكتى قۇرۋ قاۋىپسىزدىكتىڭ بىرەگەي تەتىگى بولعاندىقتان، ول تاريحي ماڭىزدىلىققا يە. بانك - ماگاتە مۇشەلىگىندەگى ەلدەر ءۇشىن تومەن بايىتىلعان ۋرانعا كەپىلدىك بەرەتىن بىرەگەي تەتىك. تومەن بايىتىلعان ۋران بانكى اتوم ەنەرگەتيكاسىنىڭ بەيبىت تۇردە دامۋىنا قىزمەت ەتەدى جانە جاھاندىق يادرولىق قاۋىپسىزدىكتى نىعايتۋدا ايتارلىقتاي اۋقىمدى ۇلەس قوسادى»، - دەدى مينيستر.
وسى ورايدا ە. ىدىرىسوۆ بۇگىن بەكىتىلگەن تاريحي كەلىسىمگە قول جەتكىزۋ ءۇشىن جۇرگىزىلگەن كەلىسسوزدەرگە ۇلكەن كەمەڭگەرلىك، باتىلدىق، كۇش- جىگەر جۇمسالعانىن قاداپ ايتتى.
بۇدان كەيىن قازاقستاندىق جانە شەتەلدىك ب ا ق وكىلدەرىنىڭ قاتىسۋىمەن وتكەن باسپا ءسوز ءماسليحاتىندا ماگاتە باس ديرەكتورى يۋكيا امانو اتالعان بانككە قاتىستى ايتىلىپ جۇرگەن قاۋەسەتتەردى جوققا شىعاردى. اتاپ ايتقاندا، ول قازاقستانداعى تومەن بايىتىلعان ۋراننىڭ بانكىندە قالدىقتاردى ساقتاۋ ويدا دا جوق ەكەنىن جەتكىزدى. وندا تومەن بايىتىلعان ۋران كۇيىندەگى ماتەريالدار عانا بولادى. وسى ۋران ارنايى كونتەينەرلەر مەن سيليندرلەردە ساقتالادى جانە بۇلار حالىقارالىق ستاندارتتارعا سايكەس جاسالعان. «سوندىقتان دا بۇل كونتەينەرلەر وتە قاۋىپسىز جانە بەرىك ماتەريالداردان قۇراستىرىلعان. اتاپ ايتقاندا، لاڭكەستىك شابۋىلدار نەمەسە تابيعي اپاتتار بولعان جاعدايدا بارلىعىنا توتەپ بەرە الادى»، - دەدى ماگاتە باس ديرەكتورى.
ءوز كەزەگىندە ق ر ەنەرگەتيكا ءمينيسترى ۆلاديمير شكولنيك ش ق و- داعى ءۇلبى مەتاللۋرگيالىق زاۋىتىنىڭ قاۋىپسىزدىگىنە كۇماندانۋدىڭ رەتى جوق ەكەنى اتاپ ءوتتى. «ماگاتە- نىڭ تومەن بايىتىلعان ۋران بانكىنىڭ كولەمى 60 توننانى قۇرايتىن بولادى. زاۋىتتىڭ الاڭىندا ءار كەزدەرى جىلىنا 1,2 مىڭ تونناعا دەيىن وسى ماتەريال وڭدەلگەن بولاتىن. سوندىقتان قاۋىپسىزدىك تۇرعىسىندا بارلىعى تۇسىنىكتى»، - دەدى مينيستر.
سونىمەن قاتار ۆ. شكولنيك زاڭناما بويىنشا قازاقستانعا يادرولىق قالدىقتاردى كىرگىزۋگە تىيىم سالىنعانىن ەسكە سالىپ ءوتتى.
مۇنىمەن قوسا، ق ر سىرتقى ىستەر ءمينيسترى ەرلان ىدىرىسوۆ جاھاندىق ءارى وڭىرلىك قاۋىپسىزدىكتى كۇشەيتۋ جولىمەن قازاقستان جەكە قاۋىپسىزدىگىن نىعايتاتىندىعىن قاداپ ايتتى. ء«بىرىنشى كەزەكتە قازاقستان جاھاندىق يادرولىق قارۋسىزدانۋ مەن ونى تاراتپاۋدىڭ باستى جاقتاستارىنىڭ ءبىرى. سوندىقتان قازاقستاندا تومەن بايىتىلعان ۋران بانكىن قۇرۋ تۋرالى شەشىمدى قابىلداي وتىرىپ، ءبىز الدىمەن جاھاندىق يادرولىق قاۋىپسىزدىككە ناقتى اۋقىمدى ۇلەسىمىزدى قوسىپ وتىرمىز. ياعني، وسى ارقىلى ءبىز جاھاندىق ءارى وڭىرلىك قاۋىپسىزدىكتى كۇشەيتۋ جولىمەن ءوزىمىزدىڭ جەكە قاۋىپسىزدىگىمىزدى نىعايتۋدامىز. بۇل تۇرعىدا ناقتى ۇلەسىمىزدى قوسۋدامىز جانە باسىمدىققا يە بولامىز»، - دەدى مينيستر.
سونىمەن قاتار ە. ىدىرىسوۆ بۇل تۇرعىدا تومەن بايىتىلعان ۋراننىڭ بانكى تولىقتاي ماگاتە (اتوم ەنەرگەتيكاسى جونىندەگى حالىقارالىق اگەنتتىك) قامقورلىعىندا بولاتىنىن ايتا كەلە: «وسى تۇرعىدا ءبىز بۇل ماڭىزدى حالىقارالىق ۇيىممەن ىنتىماقتاستىعىمىزدى نىعايتا تۇسەمىز. ماگاتە- مەن ىنتىماقتاستىق سالالارى وتە كەڭ. ءبىز قازاقستاندا يادرولىق اتوم ەنەرگەتيكاسىن دامىتۋعا نيەتتىمىز»، - دەدى.
وسى ورايدا ق ر س ءى م باسشىسى يادرولىق ەنەرگيانى بەيبىت ماقساتتاردا پايدالانۋ ءۇشىن اتالعان ۇيىممەن ىنتىماقتاستىقتىڭ جاڭا باعىتتارىن اشۋعا مۇمكىندىك بار ەكەنىن اتاپ ءوتتى.
«قازاق ادەبيەتى» ءپانى مەن «قازاقستان تاريحى» پاندەرى بۇكىل مەكتەپتەردە قازاق تىلىندە وقىتىلماق
بۇل اپتادا رەسپۋبليكالىق بىلىم جۇيەسى قىزمەتكەرلەرىنىڭ ءداستۇرلى تامىز كەڭەسى ءوتتى. وندا بايانداما جاساعان بىلىم جانە عىلىم مينيسترى اسلان ءسارىنجىپوۆ بۇكىل مەكتەپتەردە «قازاق ادەبيەتى» مەن «قازاقستان تاريحى» پاندەرىن قازاق تىلىندە وقىتۋ كەرەكتىگىن ايتتى.
"مەكتەپتەردە ءۇش تىلدە وقىتۋ مودەلى ەنگىزىلەدى. جوعارى سىنىپتاردا جانە جوعارى وقۋ ورىندارىندا اعىلشىن تىلىندە وقىتۋعا كەزەڭ- كەزەڭىمەن كوشۋ مىندەتى قويىلىپ وتىر. بۇل رەتتە مەملەكەتتىك ءتىلدى جوعارى دەڭگەيدە مەڭگەرۋ مىندەتىنىڭ باسىمدىعىن ۇمىتپاۋىمىز قاجەت. «قازاق ادەبيەتى» پانىنە قوسا، «قازاقستان تاريحى»، «گەوگرافيا» پاندەرىن بۇكىل مەكتەپتەردە قازاق تىلىندە وقىتۋ ۇسىنىلىپ وتىر»، - دەيدى ا. ءسارىنجىپوۆ.
2013 -جىلدان باستاپ ەلىمىزدە اعىلشىن 1-سىنىپتىڭ باعدارلاماسىنا ەنگىزىلگەن، سوندىقتان، وسى جۇمىستى اياسىندا جوعارى سىنىپ ساباقتارىن اعىلشىن تىلىندە وتكىزۋ كوزدەلۋدە.
«وسى جۇمىستىڭ اياسىندا سىنىپتان تىس شارالار مەن اعىلشىن تىلىندە ءبىرقاتار كۋرستار وتكىزۋ جوسپارلانعان. سونىمەن قاتار، جازعى ءتىل توقسانىن ۇيىمداستىرۋ كوزدەلگەن، بۇعان پەداگوگيكالىق جوعارى وقۋ ورىندارىنىڭ 3-4 -كۋرس ستۋدەنتتەرى تارتىلادى. ءسويتىپ، جوعارى سىنىپتاردا ينفورماتيكا، فيزيكا، حيميا جانە بيولوگيا پاندەرى اعىلشىن تىلىندە وقىتىلاتىن بولادى»، - دەدى مينيستر.
بۇدان بولەك كەڭەس بارىسىندا 2015-2016 وقۋ جىلدارىندا ىلكى جوبا رەتىندە بىرقاتار مەكتەپتەردە 1-سىنىپ وقۋشىلارى ءۇشىن اپتاسىنا بەس كۇندىك وقۋ باعدارلاماسى ەنگىزىلەتىندىگى بەلگىلى بولدى. وسى ورايدا تيىستى ۇسىنىستار مەكتەپتەرگە جىبەرىلگەن ەكەن.
ءوز كەزەگىندە پرەمەر- مينيستردىڭ ورىنباسارى بەردىبەك ساپاربايەۆ ءبىلىم مينيسترلىگى مەن جەرگىلىكتى بيلىك اراسىنداعى بايلانىس ناشارلاپ كەتكەنىن سىنعا الدى.
ونىڭ ايتۋىنشا، ءبىلىم سالاسىنىڭ ساپالى دامۋى - جوعارى بيلىك پەن جەرگىلىكتى بيلىك اراسىندا تىعىز قارىم- قاتىناس ورناسا عانا مۇمكىن بولاتىن ناتيجە.
«قازىرگى نەگىزگى ماسەلە - مەملەكەتتىك ورگاندار، قوعامدىق ۇيىمداردىڭ، اتا- انالاردىڭ، ءبىلىم وشاقتارىنىڭ بىرىگىپ جۇمىس ىستەۋىنە كوڭىل ءبولۋ. وكىنىشكە وراي، ءقازىر بايقايتىنىمىز - مينيسترلىك ء(بىلىم مينيسترلىگى - اگەنتتىك) پەن جەرگىلىكتى بيلىك وكىلدەرىنىڭ اراسىنداعى بايلانىس ناشارلاپ كەتكەن. بارلىعىمىز جاقسى تۇسىنەمىز، نەگىزگى ءبىلىم وشاقتارى، ءبىلىمدى بالالار اۋىلدىق جەرلەردە، ەلدى مەكەندەردە تۇرادى. ەگەر وسى ەكى بۋىن بىرىگىپ جۇمىس ىستەسە عانا ءبىر ناتيجەگە جەتۋگە بولادى»، - دەدى پرەمەر- ءمينيستردىڭ ورىنباسارى.
بۇدان بولەك، ب. ساپاربايەۆ ۇلتتىق ءبىرىڭعاي تەستىلەۋگە بايلانىستى ماسەلە كوپ ەكەنىن ءسوز ەتتى. مينيسترلىك تەستىلەۋ ويداعىداي ءوتتى، وقۋشىلاردىڭ ءبىلىم دەڭگەيى جاقسى دەپ ەسەپ بەردى. ءبىراق، ءبارىبىر ارىز- شاعىم ازايعان جوق.
«ءبىلىم باسقارمالارى، مەكتەپ ديرەكتورلارى مەن اكىمدىكتەر ستاتيستيكانىڭ سوڭىنا ءتۇسىپ، ۇبت- عا بارىنشا كوپ وقۋشى قاتىسسا جانە جوعارى بالل جيناسا بولدى دەيدى. ءبىراق، بۇل دۇرىس ەمەس»، - دەدى ب. ساپاربايەۆ.
ونىڭ پايىمىنشا، ۇلتتىق ءبىرىڭعاي تەستىلەۋدىڭ اشىقتىعىن قامتاماسىز ەتە ءتۇسۋ كەرەك.
«تاعى ءبىر ايتا كەتەرلىگى، اتا- انالاردىڭ كوبى ۇلتتىق ءبىرىڭعاي تەستىلەۋدىڭ ءتارتىبىن، ونداعى سۇراقتاردىڭ قانداي بولاتىنىن بىلمەيمىز دەيدى. ياعني، اشىقتىق جوق. سوندىقتان، ءبىلىم مينيسترلىگىنە اكىمدىكتەرمەن بىرگە وتكەن جىلدىڭ قورىتىندىسى بويىنشا ارىز- شاعىمداردىڭ بارلىعىن قاراپ، ءوز ۇسىنىستارىن ەنگىزۋدى تاپسىرامىن. مۇمكىن بارلىق وبلىستا ءتيىستى جۇمىس توبىن قۇرۋ كەرەك شىعار. كەيىن، سول ۇسىنىستاردى مينيسترلىككە تاپسىرسا، ءبىز ول ۇسىنىستاردى قاراپ، جىل سوڭىنا ۇلتتىق ءبىرىڭعاي تەستىلەۋدىڭ اشىقتىعىن قامتاماسىز ەتەتىن وزگەرىستەر ەنگىزەمىز دەپ ويلايمىن. كەلەسى جىلدىڭ قاڭتار- اقپان ايلارىندا سول وزگەرىستەر تۋرالى ب ا ق- تارعا جاريالايمىز»، - دەدى ب. ساپاربايەۆ.
اۆتور: رۋسلان عابباسوۆ