قازاقستان، قىتاي، بەلارۋس، وزبەكستان، اۋعانستان باس پروكۋرورلارى ش ى ۇ اياسىنداعى ىنتىماقتاستىق ماسەلەلەرىن تالقىلادى - فوتو

اتاپ ايتقاندا، ەلىمىزدىڭ باستى قاداعالاۋ ۆەدومستۆوسىنىڭ باسشىسى اۋعانستان يسلام رەسپۋبليكاسىنىڭ باس پروكۋرورى نۋر دجالالمەن، بەلارۋس رەسپۋبليكاسىنىڭ باس پروكۋرورى الەكساندر كونيۋكپەن، وزبەكستان رەسپۋبليكاسىنىڭ باس پروكۋرورى يحتيەر ابدۋللايەۆپەن، قىتاي حالىق رەسپۋبليكاسىنىڭ باس پروكۋرورى ساو تسزيانمينمەن كەزدەستى.
وتكىزىلگەن كەزدەسۋلەردىڭ باستى تاقىرىبى ش ى ۇ جانە ت م د ب پ ۇ ك اياسىنداعى ىنتىماقتاستىق ماسەلەلەرى بولدى. تاراپتار ءوزارا قۇقىقتىق كومەك، پروكۋرورلىق قىزمەتتىڭ باعىتتارى بويىنشا تاجىريبە الماسۋدى جالعاستىرۋ، قاۋىپسىزدىكتىڭ ءارتۇرلى ترانسۇلتتىق قاتەرلەرىنە توسقاۋىل قويۋ سالاسىنداعى زاڭنامانىڭ ورىندالۋىن قامتاماسىز ەتۋ جونىندەگى ۇتىمدى شارالاردى قابىلداۋ ماسەلەلەرى بويىنشا حالىقارالىق ىنتىماقتاستىقتىڭ تيىمدىلىگىن ارتتىرۋعا ەرەكشە نازار اۋداردى.
سونىمەن قاتار تەرروريزممەن جانە ەكسترەميزممەن، ەسىرتكىنىڭ جانە قارۋدىڭ زاڭسىز اينالىمىمەن، ترانسشەكارالىق قىلمىستىلىقتىڭ وزگە دە تۇرلەرىمەن، سونداي- اق زاڭسىز كوشى- قونمەن كۇرەس پروبلەمالارىن قوزعايتىن الداعى كۇندەرى وتەتىن مەملەكەتارالىق ورگانداردىڭ فورۋمدارىنىڭ كۇن تارتىبىندەگى ماسەلەلەر تالقىلاندى.
شاڭحاي ىنتىماقتاستىق ۇيىمى - تۇراقتى ارەكەت ەتۋشى ۇكىمەتارالىق ۇيىم. ول 2001 -جىلعى 15 - ماۋسىمدا قازاقستان رەسپۋبليكاسى، قىتاي حالىق رەسپۋبليكاسى، قىرعىز رەسپۋبليكاسى، رەسەي فەدەراتسياسى، تاجىكستان رەسپۋبليكاسى جانە وزبەكستان رەسپۋبليكاسىنىڭ قاتىسۋمەن قۇرىلعان.
قازىرگى ۋاقىتتا اۋعانستان، بەلارۋس، ءۇندىستان، يران، موڭعوليا جانە پاكىستان ش ى ۇ باقىلاۋشىلارى، تۇركيا مەن شري- لانكا - سۇحباتتاسۋ بويىنشا سەرىكتەس مارتەبەسىنە يە. 2015 -جىلعى 10 - شىلدەدە ءۇندىستان مەن پاكىستانعا مۇشە- مەملەكەت رەتىندە ش ى ۇ- عا قوسىلۋ تۋرالى، ال ءازىربايجان رەسپۋبليكاسى، ارمەنيا رەسپۋبليكاسى، كامبودجا كورولدىگى جانە نەپال فەدەراتيۆتىك دەموكراتيالىق رەسپۋبليكاسىنا سۇحباتتاسۋ بويىنشا سەرىكتەس مارتەبەسىن بەرۋ تۋرالى شەشىم قابىلداندى.
ت م د ب پ ۇ ك 1995 -جىلعى 7 - جەلتوقساندا قۇرىلعان. 2000 -جىلعى 25 - قاڭتارداعى ت م د قاتىسۋشى- مەملەكەتتەرىنىڭ مەملەكەت باسشىلارى كەڭەسىنىڭ شەشىمىمەن وعان ت م د مەملەكەتارالىق ورگانى مارتەبەسى بەرىلگەن. وسى قۇجاتقا ازەربايجان رەسپۋبليكاسى، ارمەنيا رەسپۋبليكاسى، بەلارۋس رەسپۋبليكاسى، گرۋزيا، قازاقستان رەسپۋبليكاسى، قىرعىز رەسپۋبليكاسى، مولدوۆا رەسپۋبليكاسى، رەسەي فەدەراتسياسى، تاجىكستان جانە ۋكراينا قول قويعان.