ب. ساپاربايەۆ: قازاق قىزدارىنىڭ توبەلەسىپ، اسىلىپ ولگەنىن قاشان كورىپ ەدىك؟

  استانا. قازاقپارات - بۇگىن استانادا ءوتىپ جاتقان ءبىلىم بەرۋ جۇيەسى قىزمەتكەرلەرىنىڭ رەسپۋبليكالىق تامىز كونفەرەنتسياسىندا ءسوز العان پرەمەر- ءمينيستردىڭ ورىنباسارى بەردىبەك ساپاربايەۆ «قازىر بالا تاربيەسىنە بىلەك سىبانا كىرىسپەسەك، ەرتەڭ ەلدىگىمىزدەن ايىرىلامىز»، - دەپ باتىرا ايتتى.
None
None

 «بالانىڭ دامۋىنا مۇمكىندىك بەرىپ، قىزىقتى ۇيىرمەلەرىنە بارۋ ءۇشىن قوسىمشا ءبىلىم بەرۋ باعدارلاماسىن دامىتۋ كەرەك. قازىر ەلىمىزدە قوسىمشا ءبىلىم بەرۋ جۇيەسىنە وقۋشىلاردىڭ 25 پايىزى عانا تارتىلعان. كەيبىر وبلىستاردا، مىسالى الماتى وبلىسىندا وقۋشىلاردىڭ 10 پايىزى، وڭتۇستىك قازاقستان وبلىسىندا وقۋشىلاردىڭ 14 پايىزى، اتىراۋ وبلىسىندا وقۋشىلاردىڭ 16 پايىزى عانا قوسىمشا بىلىم، تاربيە بەرۋ جۇيەسىنە تارتىلعان. سوسىن كەلىپ، سۋيتسيد، زورلىق- زومبىلىق بولدى دەيمىز.. . ەگەر بالالارىمىزدى ساباق بىتكەننەن كەيىن قوسىمشا تاربيە، بىلىم بەرۋگە تارتپاساق، بۇل جالعاسا بەرەدى. ەگەر بالانىڭ باسقا تيىمسىز ىستەرمەن اينالىسۋىنا ۋاقىتى قالماسا، وسىنداي جاعدايلار بولمايتىن ەدى.

قازاق قىزدارىنىڭ توبەلەسكەنىن، قازاق قىزدارىنىڭ اسىلىپ ءولىپ جاتقانىن قاشان كورىپ ەدىك؟! بۇل - سوڭعى ۋاقىتتا تاربيەنىڭ ناشارلاپ كەتكەنىن كورسەتەدى. ارينە، بالانىڭ تاربيەسىنە ەڭ بىرىنشىدەن جاۋاپتى كىسى - اتا- اناسى مەن وتباسى. ءبىراق، بالا تاربيەسىنە كوڭىل بولەتىن مەملەكەتتىك ۇيىمدار بار جانە سول ءۇشىن مەملەكەتتەن اقشا الىپ وتىر. مەنىڭ ويىمشا، بۇل باعىتتا بىزدە بىرىككەن جۇمىس جوق. ەگەر وسىنداي ماسەلە بويىنشا ىشكى ىستەر ورگاندارىنان باسقا، ءبىلىم بەرەتىن ۇيىمدار، قوعامدىق ۇيىمدار بىرگە جۇمىس ىستەسە، جاعداي وزگەرىپ، جاڭاعى قايعىلى جاعدايلار بولمايتىن ەدى. سىزدەرگە ايتارىم، ءبىزدىڭ «ماڭگىلىك ەل» بولۋىمىز، بولاشاعىمىز - تاربيە مەن ۇلتتىق داستۇرىمىزگە بايلانىستى. ەگەر بۇلاردان ايىرىلىپ قالساق، ەل بولمايمىز»، - دەدى ب. ساپاربايەۆ.

   اۆتور: كەنجەكەي توقتامۇرات قىزى

سوڭعى جاڭالىقتار